|
|||||||
| الـمــلـــتـــقــى الـــعـــام أبُحآر َقِلمَ عُبُر حرٍف ومقِآل |
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | إبحث في الموضوع | انواع عرض الموضوع |
04-13-2009, 08:44 AM
|
#1 | ||||
 
|
امراض الرجل السعـــــــــــــــودي
أمراض الرجل السعودي 1 تجده يهاب العادات والتقاليد ويلتزم بها أكثر من الدين والشرع !! وأغلب تصرفاته يحكمها خوفه من المجتمع 2 لا يفكر بطريقته الخاصة يطبق العادات والتقاليد حتى لو كان غير مقتنع بها وواثق انها خطأ 3 يصغر أخطائه ويكبر أخطاء المرأة مع أن الإسلام والشرع ساوى في الحرام والحلال والعقوبات الزاني والزانية السارق والسارقة إلى آخره 4 أناني يمارس أمور كثيرة وفي الوقت نفسه يمنع محارمه من ممارستها والمفروض يكون قدوة إن كانت خطأ فلماذا يمارسها هو ! 5 يريد أن يعرف أدق التفاصيل عن زوجته وليس من حقها ان يكون لها أي خصوصية أما هو فإنسان غامض ليس من حقها التدخل في شؤونه. 6 يتجاهل تطبيق السنة ولا يتذكر سنة الرسول صلى الله عليه وسلم ووجوب الإقتداء بها الا في نقطة ( تعدد الزوجات ) 7 يرحم الخادمة ويتعاطف معها أكثر من رحمته وحنيته لزوجته !! 8 مبدع في العلاقات الغير شرعية في أسلوب الكلام في الحنان في الهدايا اما في الزواج رجل فاشل جاف قاسي متسلط 9 لا يخجل من الاعتراف بعلاقاته الغير شرعية ولو اتصلت عليه فتاة في مجلس كلمها بكل ثقة وتفاخر أما زوجته فاتصالها يعتبر جريمة ويسبب له ارتباك و إحراج تجده يحاول ينهي المكالمة في أسرع وقت ممكن 10 لا يعرف قيمة زوجته ولا يصرح بحبه لها إلا بعد وفاتها! ! 11 يقبل أمور كثيرة لبنات المسلمين ويمارسها لكنه لا يقبلها على أخواته وبناته وأمثلة على ممارسته هذا الأسلوب ،،، بالحلال زواج المسيار ،،، وبالحرام الغزل 12 في كل دولة تجد محارمه بزي مختلف وكأن الأحكام الشرعية تختلف من دولة الى دولة ! في السعودية والخليج شكل ،،، والدول العربية شكل ،،، والدول الغير عربية شكل !! 13 يرفض قيادة المرأة ويقبل وجود السائق الأجنبي مع محارمه ! ويقبل ان يكون الرجل الأجنبي المرافق الدائم لعائلته !! 14 لديه عقدة أسمها / عقدة المرأة فهو لا يتقبل رأيها ولا يأخذ بكلامها حتى لو أقنعته ولا يمكن أن يستشيرها إذا واجهته مشكلة لانها ( امرأة ) فهو لا يثق في رأي المرأة مع ان المصطفى صلى الله عليه وسلم عندما نزل عليه الوحي أول مرة ومع أن هذا الأمر من أعظم الأمور التي واجهته ومع ذلك لم يلجأ الى أي رجل أكتفى برأي زوجته ( السيدة خديجة رضي الله عنه ) عندما أشارت اليه بأن يذهبون الى ورقة بن نوفل . 15 الرجل السعودي ينظر للمرأة السعودية بنظره دونيه وتجده يحترم بل يخااااف من المرأه الأجنبية 16 من ناحية المعلومات الدينية الرجل السعودي أول آية يحفظها قال تعالى ( الرجال قوامون على النساء ) وأكثر حديث يردده قول الرسول صلى الله عليه وسلم( المرأة ناقصة عقل ودين) 17 متناقض يردد القوامة ويتفاخر بها ثم يبحث عن المسيار !! 18 الرجل السعودي الرجل الوحيد في العالم الذي تجده يذم بنات بلده في كل مكان ويمتدح بنات الدول الأخرى 19 زوجاته الرجل السعودي لديه عقدة أسمها / وش أسم أمك ؟؟؟؟ عيب يقول اسم أمه أو زوجته ويسميهم الاهل وينسى اسم أم الرسول صلى الله عليه وسلم ( آمنه ) واسم بناته |
||||
|
|
|
04-23-2009, 11:41 PM
|
#4 | ||||
|
موضوع جدا أعجبني وانا حابه اتكلم عنه براحتي واتمنى ما تنحذف ولا كلمه من اللي أقولها :sm266: انا بتكلم عن شباب العيون لأنه مجتمعنا والبيئه اللي عشنا فيها لذلك لانعمم على الشباب السعودي انا معك بكل كلمه انت قلتها شباب العيون وليس الكل شباب فاااشل ولايقبل بتفوق المرأه عليه شباب العيون شباب إتكالي لاطموح له ولا هدف وكل همه البنات والغزل بالبنات وياليت اذا تعرف على بنت يستر عليها بالعكس تصبح مثل اللعبه اللي يلعب فيها هو وأصدقائه الشباب يحلل له كل شئ مع بنات الغير من مكالمه هاتفيه الى الخروج معها ويحرم على اخواته بإعتبارهم شريفات يعني معقوله اخواتك شريفات وبنت الناس هذي جايه من الشارع صراحه شئ يقهر تفكيرهم منحط وجاهلي وما فيه من الثقافه شئ شباب العيون المتزوجين شباب أنانيييين ولا يعترفون بأي حقووق للمرأه بدليل أنه طووول اليوم في الدوام الى الساعه 1 وبعدها ينام وبعدها يصحى العصر ويروح الاستراحه ويرجع وقت العشا بحجة انه بيتعشى مع المدام ويقابل وجهها بعدها يرجع للإستراحه الى الساعه 2 الفجر هذا اذا تكرم وطلع منها ,بالله عليكم انتوا متزوجين ليــــــه عطوني سبب واحد ومقنع يعني البنت تاركه بيت اهلها ومكانها وأهلها ومقابله خشتك وانت مو معبرها وتاركها لحالها بالله عليك ترضاها على اختك , صراحه انا مقهووووووره منكم ياشباااب العيون وفيه شئ ثاني بعد ابي اتكلم عنه معاملتكم ياشباب مع اخواتكم وااااااو ولا فيه اروع منها يعني لو تقول لك جيب لي وود لي تقولها انا مشغول ولو واحد من اصدقائك اتصل عليك هلاااا يالغالي انت آمر مو بس تطلب ثواني وانا جاي لعندك , بكل صراحه انا اخجل اني اتكلم عنكم ياشباب لأنكم أساس المجتمع واذا المجتمع مافيه أساس على الدنيا السلااااام ومن ناحية العلاقات الغير شرعيه حدث ولا حرج لاتقولووون ماعندنا هالكلام وتدعون المثاليه عذرا إحنا في مجتمع صغير وكل شئ واضح فيها والمشكله ان مجتمعنا يدعي المثاليه وهو أسوأ مما يكون عليه في الحقيقه فلماذا لاننظر إلى أخطائنا ونتداركها فربما ربما ربما يوما نغيرها , أحس فيه كلام كثير أبي اقوله طبعا انا لاأعمم على شباب العيون لكن وللأسف والله ثم والله إن شباب العيون شوهوا سمعة العيون بتصرفاتهم الصبيانيه والبايخه طبعا فيه البعض لقليل منهم اللي فيهم الخير واللي ينذكرون بكل خير والله يجزاهم الجنه والله يكثر من أمثالهم وياليت كل الشباب يتعلمون منهم اكيــــد بتقولون هذي وش فيها متحامله علينا أنا والله ماني متحامله ولا شئ كل الموضوع اني ابي أوريكم أو حابه أنتزع الأقنعه وأكشف الوجوه الحقيقيه اللتي يرتديها هؤلاء الشباب وصح فيه شئ حابه اتكلم عنه وصراحه بجد قهرني يتعلق بالمكتبه العامه>>داخله عرض , بعد إيش إسمحوا لنا بزيارتها والله ولا صارت الحرم المكي استغفر الله خخخخ صراحه عقول وللأسف متخلفه "عذرا على كلمتي بس من القهر " أتمنى اني أشوف ردووود تثلج الصدر لأن الموضوع للنقاش ومو حلوووه نترك موضوع مثل هذا بدون رد وحتى لو إختلفنا بالآراء مافيه مشكله لإن إختلاف الرأي لايفسد للود قضيه وحلو الخلاف دام انه راح يحل مشكله أشكرك اختي على الموضوع المتميز وربي انك مبدعه ولو بكيفي كان عطيتك التميز تستاهليه يالغلا تحياتي لكم يا اخواني الأعزاء //توليـــــــن التعديل الأخير تم بواسطة تولين ; 04-24-2009 الساعة 12:10 AM |
||||
|
|
|
|
04-24-2009, 12:56 AM
|
#5 | ||||
|
الموضوع بصراحه سخيف وينم عن جهل متقع او حاله مرضيه عند كاتب الموضوع وهي فوبيا الرجل ......
اما الكلام واللي يستحق الحوار هو رد توليين مع اني اختلف في الكثير من اللي قالت لانكم اخذتم نسبه 6% من شباب العيون وعممتوهم على الاغلب ... الفاسد فاسد والفاسده فاسده والفاسد للفاسده واذا كنتم تعيشون مشكله في منازلكم هذا مايعني ان الكل عايشين مثلكم يعني بدون تعميم او قول الاغلبيه تتكلمون عن خيانه الرجل لزوجته ربما لانكم تسمعون هذا الكلام من البنات وانا اقولكم ان الكثير من المتزوجات يخنون ازواجهم وفي العيون <<<< يعجبكم اني اقول الكثير ؟ طبعاً لا لاكن بنفس تفكيركم ......وهذا صحيح الكثير يخونون ازواجهم بينما ازواجهم في العمل يكدحون لتوفير مصاريف البيت .... وهم معروفيين ويوجد فئه غير معروفه ........ يعني لو اكتب موضوع بنفس الاسلوب عن المراة راح تشيب شعوركم << لاكني مابي اظـلمكم واقول الاغلبيه بهاذي الطريقه ..... لن اتكلم في الموضوع لانكم تتكلمون عن شريحه فاسده قليله وجعلتوها شبه شامله وبخصوص المكتبه ياتولين اللي يبي يقرا بيقرا سوا في المكتبه ولا بيتهم واذا على الكتب يقدرون البنات يرسلون اخوانهم يجيبون اي كتاب لهم من المكتبه من زمان ................ لاكن نسبه القراء ضعيفه بين الجنسين سواء الرجال او النساء والان فتره حماس راح تنطفي قريب .... والخوف تتحول المكتبه عذر لبعض البنات للخروج في مواعيد طوووووووووووووط ااوووووووووووه هذا غير البنات في الاسواق برى العيون ويسون نفسهم مو من العيون الخ والدوار في العيون <<< يعني لو بتكلم بنفس عقليتكم ترى بتتعبون معي المهم الكلام كثيييير لاكن توني صاحي وجوعان ما اقدر اجمع زين يمكن لي عوده ...... وبصراحه انتظر كلمة حق |
||||
|
|
|
|
04-24-2009, 01:26 AM
|
#6 | ||||
|
بالعكس اخوي الموضوع مو سخيف وحلوو من وجهة نظري وطبعا انت حر برأيك ,
شوف انا أؤيدك أيضا في البعض من كلامك ومو كله وانا قلت في كلامي من قبل اني ما أعمم بالعكس فيه شباب والنعم فيهم وماعليهم زوووود لكنني أنا اتكلم عن شريحه معينه وفكرة انك تقول إن إحنا عايشين مشكله في منازلنا أنا الحمد لله ماعندي إخوان أكبر مني ولا أعاني من أي مشكله ولله الحمد لكنني بحكم مخالطتي بصديقاتي إستنتجت هالشئ وعلى فكره كل ردي هو مو كلامي لحالي بل كلام البنات في المدارس ويوصفون معاناتهم مع الشباب بالذات إخوانهم بالنسبه للبنات اللي يخونون ازواجهم أنا أيضا معك وأنا لا أدافع عن البنات لأني مع الحق أينما كان ومن ناحية المكتبه أنا الحمد لله عندي مكتبتي الخاصه بالبيت وفيها كل شئ من علوم الى أدب الى جميع انواع الثقافات لكن انا كلامي عنها مجرد تعليق لا أكثر ولا أقل دمتوا برعاية الله |
||||
|
|
|
|
04-24-2009, 02:04 AM
|
#7 | ||||
|
اخوي رسلان ماعليه تحمل كلامي شوي لكن انت أخذت من الموضوع الشئ اللي يعجبك واللي بكيفك ورديت عليه
يعني انت تركت الأصل ورحت للفرع لو سمحت اخوي ارجع للموضوع واقرأه بتمعن ورد ع الأساس ** ولا تقول جوعان ولا مو جوعان >> دب ومايفكر إلا ببطنه اتمنى الرد انتظرك خخخخخخ |
||||
|
|
|
|
04-24-2009, 01:57 PM
|
#8 | ||||
|
أمراض المرأة السعوديــــة . 1 في غرف إنتظار النساء واللي كلها نساء مثلها تلاقيها محتشمة بقوة ولا يطلع صوتها حتى لا تعرف منهي وفي الاسواق عند الرجال عيونها طالعة وصوتها يشيل السوق !! 2 لازم تروح للممرضة تطلب منها إذا وصلها الدور ماتذكر أسمها كامل وتكتفي بأسمها وأسم والدها مع ان اللي يعرفها أكيد بيعرفها من الأسمين الأولين !! 3 مترردة كثير عند الشراء تقضي في السوق أربع ساعات ،، وآخرتها تخرج ،،، بقطة أو قطعتين !! 4 إذا شرت قطعة لازم ترجع للمحل تبدلها وممكن ترجع تبدلها مرتين وثلاثة حسب قوة حالة التردد اللي تعاني منها 5 تلبس ساعة بعشرين الف وهي راتبها الفين !! 6 تشتري شنطة بستة الآف وهي مديونة بستين الف !! 7 تشيل شنط ماركات ولو سألتها عن ماركتها ماعرفتها أو ماعرفت تنطق أسمها صح وبعضهن تكتب أسم الماركة بجوالها بالعربي عشان تنطقها صحيحة 8 تشترط ان يكون الجوال بكاميرا وبلوتوث و هي ماتعرف تستخدمهن !! 9 تدخل محلات الحاسب وتطلب حاسب فيه أعلى المواصفات مهما كلف سعره بالنهاية تتفاجأ انها .. ماتعرف إلا الماسنجر ... في النت ! 10 إذا كان عندها مناسبة تجدها قبلها بأسبوع وهي في حالة إستنفار 11 تجدها في المناسبة تمشي بكل تعالي وغرور ،وهي كل اللي عليها سلف لها شهر تجمع في القطع من خواتها وقريباتها الفستان سلف والطقم سلف و الشنطة كذلك حتى الحذاء أعزكم الله سلف !! ... 12 لحضور منااسبة مدتها ساعتين تستعد عشر ساعات وفي المناسبة ،، ثلاث أرباع وقتها تقضيه في دورات المياه ... أعزكم الله أمام المرآة يعني حضوره الفعلي للمناسبة لا يتجاوز نص ساعة 13 تقلد الغرب والموضة حتى لو كانت متأكدة أنها لا تناسب بشرتها أو لا تناسب جسمها و أنها تشوها و لا تجملها 14 لا تفكر في تغذية عقلها كثيرا، وكل تركيزها على شكلها الخارجي وموديل جوالها 15 في السفر تتعامل مع العباية ... مثل تعامل الرجل السعودي ... مع الشماغ والعقال تعتبرها زي وطني ينتهي إرتباطها فيه عند مغادرة الطائرة والحدود السعودية هنا قسم خاص لأمراض السعوديات المتزوجات _______________ 16 !! تهتم في شكلها عند النساء أكثر من اهتمامها بشكلها عند زوجها 17 مهما جلس معها زوجها واعطاها من وقته لا تقنع لازم يكون كل وقته معها وحتى هو جالس معها ممنوع ينشغل بشي وإلا بتزعل !! 18 تقلد خواتها المتزوجات في كل شيء كل شي يشترونه خواتها لازم تشتري مثلهن حتى لو كان مالها فيه حاجة !! 19 لا تعرف كيف تعود أبناءها ،، على المشاركة ،،، في الألعاب والأجهزة الالكترونية لذلك تستطيع معرفة عدد أطفالها بدون ماتسألها من تكرار القطع في البيت خمس جوالات / خمس كمبيوترات / خمسة سياكل / خمسة قيم بوي / خمسة اي بود و مع هذا تجد أبناءها أغلب وقتهم يقضونه بالخلافات والشجار وكل هذي الأجهزة مركونة !! 20 إذا أرادت الذهاب للسوق تطلب من زوجها مبلغ ثلاث آلاف وهو راتبه كله خمسة الاف !! 21 تحنّ وترن على الزوج ... لين يجيب سائق .... وإذا وصل السائق .. ركنته بالغرفة وقالت : لا بطلع معاك يازوجي العزيز ! مابي السائق أبيك !! 22 الزوجة السعودية لاتعترف بمصطلح الميزانية وتعتقد ان كلمة ميزانية لا تستخدم إلا لتنظيم المبالغ المالية الكبيرة مثل الشركات الكبرى وميزانيات الدول <<<<<<<<<<<<<<<<<<<<<<<<<< وصلت الفكره يا تولين ؟ |
||||
|
|
|
|
09-09-2009, 12:36 AM
|
#9 | ||||
|
هههههههههههههههههههههههههههههههههههههههههههههههههه ههههههههههههههه
الحمد الله والشكرا ... انت رسلان تقول كلام ما تدري وين تحطو وانا حطيت الموضوع لرفع الضغط وكسبتها <<<< عجبك تولين انا ما اعرف العيون ولا اقدر احكم عليها الا لمن اعاشرهم بس اريحك دام هما زي كدا خديلك واحد من جده واشتري دماغك خخخخ تسلمولي على المرور |
||||
|
|
|
|
09-14-2009, 08:24 AM
|
#10 | |||||||||
|
السلام عليكم ورحمة الله وبركاته ..
الله يهديكم يااخوان وأخوات .. النقاط اللي ذكرتوها سواء تخص الرجل أو المرأة .. لاااااتنطبق على الكل .. وإن انطبق بعضها .. كل إنسان فيه عيوب ..يعني موضوعك يافتاة الأحلام في بعض النقاط ظلم فيها الرجل ،، ليس كل الرجال سواء .. ونفس الشيء أخي رسلان ظلم فيها المرأة .. فيه اناس متميزون ومثاليين بالحياة .. وهذا موضوع من المواضيع اللي نقرأها وإذا بغينا شاركنا فيها .. تحياتي للجميع ،، |
|||||||||
|
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| موسوعة للحوامل تسهيل وتخفيف الآم الولاده | copy and past | الأسرة والمجتمع / Community & Family | 2 | 10-13-2008 06:18 PM |
| دراســــــه كيف تكتشفين الرجل عن طريق الطعام ؟ | باب الليل | مآلذ وطآب :Cooking | 8 | 02-19-2008 11:45 PM |
| نساء لا ينساهن الرجل .. هل أنتي منهم ؟! | عَذْبَھْہّ | الأسرة والمجتمع / Community & Family | 8 | 10-31-2007 03:27 AM |
.png)
العرض العادي
