مهم ولازم تشاركون مدرسة البنات

[عيوني للابد]

بسم الله الرحمن الرحيم
اخواني الكرام ابيكم تشوفون طلبات المدرسة الابتدائية الاولى بالعيون (ارامكوا)
بالطبع الطلبات للصف الرابع فقط 0
1-ملف مواد دينية0
2-ملف خاص اقتصاد0 3
-ملف خاص بالعلوم
4-ملف خاص رياضيات

بالطبع قيمة الملف الواحد تسعة ريال

5-شفاف مع مقص
6-ابرخياطة مع اقماش مع مقص بالطبع المقص يختلف عن الاول
7-الوان شمعية 0
8-الوان مائية 9
-الوان خشبية0
10-كراس مربعات صغيرة ابو 60
11- كراس رسم
12-سبورة حديد قيمتها 26ريال0
13-ورق ملون0

غير الكراسات للمناهج مثل القراءة 100 ورقة
المحفوظات والقواعد والتاريخ والجغرافيا 60 ورقة
الرياضيات كراستين وحدة 80 ورقة وحد60-ورقة
العلوم 80 ورقة

--اخواني ممكن نحن قادرين على دفع التكاليف ولكن اصحاب الدخل المادي الضعيف ماذا عساهم فاعلين
واذا كان يوجد لديهم اكثر من بنت في المدرسة مع العلم ان الطلبات كما ذكرت للصف الرابع فقط
اقسم بالله مايهمني هو حال الفقراء الغير قادرين على دفع التكاليف 0
اخواني اطلب منكم التعليق والمشاركة بأحساس رجل فقير من ناحيتي سوف اقوم بالاتصال بالرئاسة
العامة لتعليم البنات وسوف اقوم بأرسال الجدول المرفق بهذه الطلبات0

اخوكم عيوني للابد

[أوراق منسية]

على المعلمات مراعاة الطالبات وعدم تكليفهم بطلبات تتعب أهاليهم ,,,ربي يهديهم .

[غربة المشاعر]

ياخي هذولا ناس قلة حيا تحسب ان الناس كلها مثلها

الناس منهم المحتاج ومنهم الغني

فلا تكثروا من الطلبات

[الرمز العيوني]

ما اقول الا حسبي الله ونعم الوكيل

[هلالي والعز لي]

اخوي عيوني اشكرك على هذا الموضوع الذي الكثير من الناس غافلون عنه ويحسبون ان الكل مستواه مثل مستواهم
ولا يدرون ماالذي يعانون منه الاسر الفقيره من ديون وملبس ومصرف وفواتير لابنائهم خاصه مع الغلاء المعيشي
وهم ليس بناقصين هموم فوق هموم وكيف يوفرون لهم ما يطلبون ولكن اقول للمعلمات اتقو الله وسهلو على الاخرين وحسو فيهم
الله يسهل عليكم

[ش ـقـآآوي]

لا حول ولاقوة الابالله المفروض مراعاه الطلبات بالاخص في وقت كثر الغلا فيه


لكن من المسؤؤل عن هذي الطلبات

[تولين]

بصراحه كنت أفكر في هالموضوع اللي انت كاتبه وكنت ناويه أشمل جميع المدارس للأولاد والبنات لكن بما انك تفضلت وكتبته مافيه فرق بيننا ,وبأرد ع الموضوع بكل صراحه

أولا مدرسة ارامكو هالسنه تلقت أكثر من شكوى من أهالي الطالبات واناعندي خبر موثوق بهالموضوع

ثانيا من ناحية الطلبات ارامكوو ماتقصر بجلب وتوفير الأغراض للطالبات يعني أنا شفت معمل الفنيه في ارامكو ملياان من الأغراض من مقصات ورسوم والوان وأقلام سائله جميع الألوان وقص ولصق وشفاف وكل شئ وييين يودونها المفروض يخصصون ولو جزءبسيط من الأغراض للناس الفقراء او ذات الدخل المحدوود وكل سنه ارامكو تجدد وتجيب زياده عن السنه اللي قبلها وييين ترووح ؟؟؟

وبعدين الملفات هذي لإيش والله مالها داعي كلها ورقتين او 4 اوراق طيب بإمكاني آخذ ملف كبير واقسمه لكل ماده جزء وهذا بيكون اوفر من ناحية الجهد في حمل الطالبات له ومن ناحية الماده

الله سبحانه وتعالى ماخلق الناس سواسيه من ناحية الدخل المادي

فيه اشخاص متعففين يعني هم فقراء لكن مايقولون ولايوضح عليهم هالشئ لييييه طبعا بسبب الحياء يعني حراام ان المدرسات تضغط على الأهل ماديا ونفسيا علشان كم دفتر وكم ملف مالهم داعي

وياليت على كذا بيعطونهم شهاده مرصعه بالألماس والذهب او بيزيدون درجاتهم إلا نفسها مايغيرون شئ

او فيه حل ثانيه آمنا بالله فيه حل ثاني بإمكانهم يآخذون جزء من فلوس المقصف ويشترون فيه هالأشياء المقصف يدخل في اليوم مبلغ وقدره !!!! عاد انت عد وإغلط


وطيب فيه حل ثالث طبعا هذا من عندي واللي بيفكر بيوصل لنتيجه

الحل هو انهم يشترون الأغراض الناقصه واللي الأهالي مايقدرون يشترونها ويحطونها في معمل الفنيه ويستخدمونها الطالبات بس في المدرسه يعني مايآخذونها معهم في بيتهم وهالشئ طبقته مدرسة الثالثه الإبتدائيه ,,

آسفه طولت بالرد

الله يعطيك العافيه

تقبل مروري البسيط

توليـــــــــــــــــــــن

[شوووق]

مو بس مدرسة ارامكو

أنا عندي بالابتدائية اللي في الديرة اولاد

وعندي بارامكو متوسط بنات

وعندي بالتحفيظ بنات

عليهم طلبات غير طبيعية ..

وأشياء أول مرة أعرف انهم يطلبونها ..

مو الكل يقدر يوفر .. ولا الكل مستطيع ..

الله يهدي هالمدرسات ..والمدرسين ..