الشاعر الدوسري و كافل اليتيم,,,

[النشــ بنت ــامى]

قصة الشاعر ناصربن أبراهيم الدوسري(من سكان راس تنوره) وكفالة اليتيم قصه مؤثره جدا تبين عظم اجر كافل اليتيم!!! تدري وش اللي يجرح القلب جرحين ويمد حـبل الحزن فيك ويشده انك تناظر طفل من غير أبوين يمشي ودمعة سايل فوق خــده منظر صعيب ويقسم القلب قسمين لا قـام يمسح دمعة بكف يــده يمشي ولا يدري طريقه على ويــن لــيــن الـتعـب مـن كثر ما تاه هــده اثقل حروف يشيلها فيه حرفين لا اب يـدري بـه ولا ام تــرده في خطوته رحلة ودمعة وسكـين وحـظ تـوسد بالمـراسي مـخـده جيت اساله بالله قللي ولـد مـيــن؟؟؟ وبـغــى يـجـاوب.. واختـنق صوت رده أنــا يـتـيم ومـا لــدربــي عـنـاويـــن وجــزر الحـزن فيني يسـاوي لـمده وطـعم الطفـولة ما عـرفته لها لحين وثــوب الســعادة صــرت ما نيب قـده ابـكي إلــى من شفت غيري سعيـديـن لـيـن الـبكـــا فـيـني يـوصـل لـحـده واقفى ورحت امسح دموعي من العين وعـيـني تـناظر دمعـته فــوق خـــده وهـذا اللي يـجرح الـقلب جـرحين ويـمد حـبــل الـحـزن غصب ويشده و اخيراً قال تعالى : ( فَأمَّا اليَتِيم فَلاَ تَقهَر ) وقال تعالى ( أَرَأيتَ الّذِي يُكَذّبُ بالدّينِ * فَذَلِكَ الّذِي يَدُعُ اليتيمَ ) قال الرسول صلى الله عليه و سلم : (( أنا وكافل اليتيم في الجنة هكذا وأشار بالسبابة والوسطى وفرج بينهما شيئاً )) تحيتي لكم

[الماجدة بنت حسن]

جزاك الله خير الجزاء حبيبتي بنت النشامى
ووفقك ووفق الدوسري وانار لكما طريقكما
واسعد قلوبكما .وتستحقين تقييمي ولك
مني كل ود وتقدير

[Gamrat Gaza]

*
شي مؤثر جداً ..
ماشاء الله عليه وعلى زوجته ..
وبيض الله وجهه والله يسعده بدارين ي رب
..
بنت النشامى
تسلمين على الموضوع
..
.

[النشــ بنت ــامى]

امين يارب
ولك مثل هذي الدعوه الرائعه
والله يحفظ لك بناتك ويتربون بعزك ان شاء الله
واسعدني مرورك الرائع
ولاتحرمينا من هذا المرور الجميل
والله يسعدك بالدارين

[النشــ بنت ــامى]

امين يارب
وجزاك الله خير
على مرورك الرائع
واشكرك على الرد