|
|||||||
| أحآسيس جميلة وهمسـآت دآفئه قصآئِد آلآعضآء آلخآصهـَ بِآقلآمِهٌم أو منقولهـ |
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | إبحث في الموضوع | انواع عرض الموضوع |
08-26-2005, 05:48 AM
|
#1 | ||||
|
() شــــاعر الانســـــانية ,, عبدالرحمن بن مساعد ()
مساء الخير .. والإحساس والطيبة مساءٍ .. مايليق الا باحبابي
مساءٍ غير غصن لطير يحكيبه عن اللي مسكنه جفني واهدابي الكل منا يعرف عبدالرحمن بن مساعد سمي بشاعر الإنسانية .. وما أجمله من اسم .. لأنه أجمل من يتكلم عن الإنسان.. سمي بشاعر البسطاء .. وما أجمله من اسم .. لأنه أجمل من يتكلم عن البسطاء .. وليس ذلك فقط .. فهو إن تكلم عن الوطن .. يكون وطنه أجمل وطن .. وإن تكلم عن الحب .. تعيش معه قصيدته أجمل قصة حب .. وإن تكلم عن الفراق .. تحس بداخلك وكأن الفراق هو أقسى معاناة في الدنيا ..!! ولد شاعرنا الفذ في باريس ، وعاش طفولته وبداية دراسته في بيروت ، وحفظ القرآن صغيراً .. مما كان له الأثر الأكبر في شخصيته .. حيث قيل بعد ذلك في شعره : بأن عبدالرحمن حفظ القرآن .. فكتب الشعر ! شاعرنا الأمير .. لم يكتشف بأنه أمير إلا متأخراً ..!! وذلك بعد انتقاله من بيروت إلى المملكة .. فالحياة التي عاشها سابقاً تخلو من المميزات .. ولكن ما لقيه من استقبال ومعاملة خاصة في ربوع وطنه أدرك أنه يتمتع بمكانة خاصة .. ثم علم تدريجياً ماذا تعني كلمة ( أمير ) !! غير أن ذلك لم يغيّر من شخصية عبدالرحمن بن مساعد في شيء .. فهو عاش في السابق حياة بسيطة ولم يحب أن يفرط بها .. وهو يحب دائماً أن يندمج مع الآخرين على أن يترفع عنهم بحجة مكانته الإجتماعية .. فهو يؤمن بأن قيمته ترتفع وتزداد كلما اقترب من الناس !! أول قصيدة كتبها شاعرنا كانت بالفصحى .. وعرضها على مدرس اللغة العربية الذي قال عنها بأن معانيها جيدة .. ولكنها غير موزونة ! يعترف شاعرنا بأن الوزن كان عائقاً أمامه .. لكنه تجاوز ذلك العائق حيث أنه يملك أذناً موسيقية تكشف الخلل .. وإن كانت هناك قناعة لديه بأن الشعر هو فكر أكثر منه كوزن ! ويذكر شاعرنا بأنه بدأ التحول من كتابة الشعر الفصيح إلى العامي عندما أحب لأول مرة ..!! حيث أحس بأن التي أحبها لن تفهم الفصيح ..!! ولكن الأكثر غرابة .. هو أنه لا يذكر متى خفق قلبه لأول مرة ..!! ولا لمن ..!! غير أنه كان يحب أن يعيش حالة الحب أكثر من حبه للمرأة نفسها .. كان يحب أن يكون معذباً ... وربما يكون هذا التفكير منطلقاً لشاعريته الفذة !! *** / من موقع الشاع كتب الشاعراوبريت كتاب مجد بلادنا بمناسبة مهرجان الجنادرية 13 قام بتلحين الأوبريت الأستاذ محمد شفيق وغناء طلال مداح ومحمد عبده وعبدالمجيد عبدالله وعبدالله رشاد وكان بحق من اجملها التي قدمت في الجنادريه وهذه بعض المقاطع من هذا العمل الضخم وشــالـوا عــيـال الإمــام بـإيـمـانهم ثـقـل الامـانـة وانــقـادوا لـــرب الانــام الـقـايل فـي مـحكم بـيانه من صان هالبيت الحرام الله تــعـهّـد لــــه امــانـه لك الله كم نحبك يا بلدنا فداك الحال والمال و ولدنا تعلمنا نحبك قبل نخلق وقبل اعمارنا ويوم انولدنا غلاك في ثوان العمر ساكن والا متنا نشيله في لحدنا لـــــو تــامــريـن الــرمــل عــنــك نــلـمـه ولــو تـعـطشين الــدم لــك مـنـا مـسـكوب انـــتــي الـــصــدوق الــبـاقـيـة الـمـهـمـة وانــتـي الـحـبـيب وكـلـنـا قــلـب مـحـبوب كـــــلٍ يـــحــب الارض لاصــــارت امــــه بــس عـشـقنا لــك غـيـر حـنـا بـك انـذوب مقطع من االملحمه من قصائد الشاعر الوطنيه وابداعاته السعوديه والتي تغنى بها الكثير من الفنانين قصيدة السفينه والتي ايدع فيها بحق مع الفنان عبادي الجوهر ماقد سمعتوا عن سفينة في بحر والبحر موج متلاطم .. والخطر فيه متعاظم ماسلم منـّه احد .. ماترك شي ٍ ابد كودالسفينة وحدها ماهزها موج البحر .. وان هزها امسك بها ربانها وابعد عن حماها الخطر .. بدينها وقرآنها ماقد سمعتوا عن سفينة .. قويةٍ دايم عظيمة بحرها هو الحياة والسفينة هي بلدنا والفهد ربانها ماقد سمعتوا من بنى هذي السفينة .. وكيف ؟؟ كانت غبار .. كانت جروح متناثره في كل صوب ورغم الجروح جمّع شظاياها بيده بامر العزيز وافنى العمر ليل ونهار .. وارخص لها قلبٍ وروح عبدالعزيز عبدالعزيز اللي بنى هذي السفينة اتعبت منه الدروب .. واشتكت منه الحروب بالسيف ارسى شراعها وبالحب قوى حبالها ومن يومها .. رغم السنين .. تمضي السفينة في دربها ماقد سمعتوا عن سفينة قويةٍ دايم عظيمة بحرها هو الحياة والسفينة هي بلدنا والفهد ربانها ماقد سمعتوا عن اهل هذي السفينة عن كرم اهل السفينة .. عن وفاء اهل السفينة وماقد سمعتوا عن قهر حسادها وكيف انها للي نواها بالغدر ماتمهله تجعله ذر ٍ هشيم مايمهله طوفانها ماقد سمعتوا عن سفينة ارفعت قدر البحر ماقد سمعتوا عن سفينة قويةٍ دايم عظيمة بحرها هو الحياة والسفينة هي بلدنا والفهد ربانها اما قصيدة قبلوا تراب الوطن فعلا ابدع فيها الشاعر مع ابو نورة وكوَنوا ثنائي رائع قبلوا تراب الوطن ... هذا الزمان أخضر واشكروا مجزي النعم ... يزيدكم أكثر كرامة ٍ عز ٍ وجود ... كثّروا لله السجود وافرحوا بغيض الحسود ... واقهروه أكثر من غيركم ... لاكبروا للحق تلقاه قدام الصفوف ومن غيركم ... خلىَ اللي في قلبه غدر يسمع في ومض عيونكم ... حكي السيوف من مثلكم ... قد ساعد الملهوف من مثلكم ... ربي عطاه ما مثلكم ... حفظتوا شرع الله ومسجد رسول الله ... وخدمتوا البيت العتيق وما مثلكم ... الفعل يسبق قولكم واللي معادي جمعكم ... يعرف علو مقداركم قبل الصديق ... وإلهكم .... وبيده التوفيق قد زادكم .... فيما عطاه ونأتي الى الابداع فهذي قصيده هذا الوطن ابدع فيها الشاعر وزاد من جمالها الفنان محمد عبده حين تغنى بهاا قصيده تحكي عن الارهاب وهي بحق قصيده اكثر اكثر من رائعه ساعطيكم اروع ابياتها لانهاا طويله ياللي تكفّر كثير الخلق.. بك جِنّه كل هالخلايق مضلّه؟.. وش معك برهان؟! كل هالأمم في جهنّم..كافره iiْنَه؟ وانت الذي مسك دمّك ضامن الرضوان..؟! جنّه بعرض السما والأرض مِنْضَمْنَه هي حِكر لك مع رِفاقك زمرة الأعوان ؟! يالله إقطع ذيول الشر والفتنه و رُدّ كيد الأعادي فْنَحْرهم خسران واكفِ البلاد التقيّه شرذمَه. حِفنه ساروا بدرب الضَلال ولبّوا الشيطان فجِّر ودمِّر بلادك .. تدخل الجنّه أفتى بهذا مشايخ آخر الأزمان !!!! تعاون الشاعر مع الكثير من الفنانين من العالم العربي وكان لمحمد عبده نصيب فقد تغنى بالكثير من قصائده سواء الوطنيه كما سبق او العاطفيه قصيدة مذهله وهي فعلا اذهلتنا من خلال الكلمات وصوت ابو نورة مُذهلة .. ! ماهي بس قصة حسن ... رغم ان الحسن فيها بحد ذاته .. مشكلة مُذهلة .. كل شي فيها طبيعي .. ومو طبيعي أجمل من الأخيلة طيبها .. قسوة جفاها .. ضحكها .. هيبة بكاها .. روحها .. حدة ذكاها .. تملأك بالأسئلة .. مُذهلة .. مُذهلة .. تملأك بالأسئلة .. هي ممكنة والا محال ..؟! هي أمر واقع .. أو خيال ؟! هو سهلها صعب المنال .. ؟ أو صعبها تستسهله ! مُذهلة .. تملأك بالأسئلة .. ليه كل معجز مر هذا الكون .. فيها له صلة ؟؟ ليه كل شي فيها تظن انك تعرفه .. تجهله !؟ ليه كل (لا معقول) فيها ورغم هذا تعقله !؟ طيبها .. قسوة جفاها .. ضحكها .. هيبة بكاها .. روحها .. حدة ذكاها .. تملأك بالأسئلة .. مُذهلة .. يا بدايات المحبة .. يا نهايات الوله .. كيف قلبي ما احبه ؟ وانتي قلبك صار له ! يا أعذب من الأمنيات .. يا عالم من الأغنيات .. يا أجمل الشعر البديع .. من آخره لين أوله .. ما راودتك الاسئلة ؟! ليه عمري ما لقى لبرده دفى .. الا دفاك ِ ! ليه قلبي ما بدقاته عزف لحد ٍ .. سواك ِ ! ليه أنا عيني تشوف وماتشوف .. الا بهاك ِ ! يا أجمل من الأخيلة .. هذا جواب الأسئلة .. كي تكوني من حنيني .. وبس فيني .. ومو بدوني مُذهلة وايضا البرواز وكانت من اجمل قصائده العاطفيه وقد اطلق على الشاعر حين كذا بلقب شاعر البرواز قلتيلي انسى ومن يومها وانا كل ليلة .. قدامي البرواز حبر العيون ودمع القلم .. في دفتري وصورتك .. رغم الألم .. ورغم انها خذت من اطباعك كثير وخانت البرواز .. اشوفها في خاطري حبيبتي مابيدي حيلة لاصرتي الصورة .. وعيوني البرواز وشلون ابنسى اتعبتي الصورة مشاوير وتعبت انا بلقى لغدرك معاذير وصورتك اللي سجنت بروازها طول السنين .. كانت جسد وبروازها الروح ويوم انزعت منها الجسد .. تجرّحت اطرافها وبجروحها راحت لمين ؟ لبروازها الثاني !! مسكين .. بيسجنك ويبقى سجين مسكين تشبهلك اقداره .. خانته وصورتك يجي يوم وتخونه حبيبتي ..أو للأسف حبيبته لاصرتي الصورة .. وجفونه البرواز وشلون ينسى ؟! حبيبتي لجل انسى جرحك واستريح .. ببكي وبعد البكى .. ببكي وأكيد فيه لحظة بتجي .. وبيجف دمعي وعندها صورتك اللي في عيوني بتموت من ظلم العطش .. بروازها بيصبح نعش وبتمرني الدمعة الأخيرة ... تاخذ معاها صورتك وتطيح وكني بالمسافة تطول مابين عيني .. ودمعتي .. وخدي وكني بقلبي الحاير المسكين نبضه يقول لا تودع الفرقى .. الدمع مايرقى وعندها لانزلت الدمعة لمثواها الأخير وفارقت وجهي بغمض عيوني .. واكسر البرواز وانسى ايضا قصيدة مساء الخير وقليله عليها كلمه ابداع مساء الخير .. والإحساس والطيبة مساءٍ .. مايليق الا باحبابي مساءٍ غير غصن لطير يحكيبه عن اللي مسكنه جفني واهدابي هلا باللي احبه كثر iiتعذيبه وكثر ماهو يغيب وكثر iiترحابي حبيبي هو ولو ماقصّر الغيبة ولو عن بسمتي قد طوّل غيابي اعرفه زين وعيتني اساليبه عدوي يوم .. ويوم اقرب من اصحابي ملكني بين ترغيبه وترهيبه يفارقني وهو واقف على بابي به الصادق به الغارق باكاذيبه يبي بعدي .. ودمعه بلل ثيابي به القسوة .. به الرقة .. به الهيبه به الضعف القوي به نشوةغضابي هلا باللي يصيب العطر بالريبة يقول العطر .. انا زايل ويبقابي هلا باللي يقول الورد وش iiليبه من المهدى ؟ .. انا او هو لأطيابي هلا باللي عجزت ألقى عذاريبه هلا باللي تحبه .. كل أسبابي مساءٍ فاق كل الشعر iiترحيبه بجية من سكن جفني واهدابي مساءٍ فاض بالإحساس والطيبة مساءٍ .. مايليق الا باحبابي حققت قصيدة شبيه الريح نجاحات كبيرة كيف لا ومن كتبها انسان وغناها فنان العرب شبية الريح وش باقي من الآلام والتجريح وش باقي من الأحلام وش باقي من الأوهام غير اني .. الاقي في هجيرك فيّ الاقي في ظلامك ضيّ واوقد شمعتي في الريح شبية الريح اذا تسمح بغيب شوي ابجمع همي الباقي وادفن صبري الذابل في أوراقي و برجع لك اذا باقي بنفسك شي شبية الريح أنا مقدر أكدر صفوك العاصف شبية الريح أنا من لي سوى إحساسك الجارف بقايا زيف أشواقي سما أمطار أحداقي شبية الريح وش باقي ابي أعرف متى تسكن رياحك وابي أعرف غرورك هو متى يطلق سراحك وابي أعرف متى تعصف متى تعطف متى تنزف جراحك وابي أعرف إذا باقي في بحرك موج اكسر فيه مجدافي وابي أعرف إذا باقي في همك هم ماشالته أكتافي وابي أعرف إذا باقي في هالدنيا حزن مامرني واستوطن أطرافي وابي أعرف إذا باقي من المعجز في هالدنيا سوى العنقاء والا الغول والا خلك الوافي بقايا زيف أشواقي سما أمطار أحداقي شبية الريح وش باقي ؟! سنيني يم وقلبي المركب المتعب وانت الريح مجاديفي عذاب وهم وزادي الوجد والتبريح وصبري صبر بحّارة بغوا في اليم محّارة غشاهم موج كان من الغضب أغضب وكانوا للهلاك أقرب لولا كثروا التسبيح شبية الريح حبيبي الأصدق الأكذب عجزت اوصل شواطي طبعك الأعذب تعبت أنطر في وسط العاصفة قلب وشعور وعاطفة تعبت أجمع ألم كل الموادع في المواني وأحضن أطيافك تعبت السهد في ليل الشوارع والثواني تنطر انصافك تعبت الظلم واجحافك شبية الريح أنا ودي أكدر صفوك العاصف شبية الريح أنا كني نسيت إحساسك الجارف بقايا زيف أشواقي سما أمطار أحداقي شبية الريح كيف أسألك : وش باقي ؟ وأنا الباقي من إحساسي ذرته الريح |
||||
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| تقرير زيارة الشيخ احمد العجمي لديوان الشيخ عبدالرحمن القناص السبيعي | المحــــــروم | ملتقى مجتمع العيون | 17 | 12-31-2007 01:16 AM |
| ترشيح (303) معلمة في بعض إدارات التربية والتعليم من المتقدمات للمفاضلة | عيوني العيون | گن عآلمآ أو مٌتِعلمآ | 2 | 08-07-2006 11:52 PM |
العرض العادي
