|
|||||||
| الـمــلـــتـــقــى الـــعـــام أبُحآر َقِلمَ عُبُر حرٍف ومقِآل |
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | إبحث في الموضوع | انواع عرض الموضوع |
12-24-2005, 03:31 AM
|
#1 | ||||
 
|
ويقول لك السعودي مستهدف بالخارج .. طير بس طير
انا مادري متى بنعترف بالواقع
<<< سلم ولعنه السلام عليكم ورحمة الله وبركاته : الحقيقه اننا ماخذين في انفسنا مقلب كبر قريح اذا سافر الواحد لبرى قال ان السعودي مسكين ومستهدف وكلن وده يلعب عليه .. وهذا واقع صحيح لدلاخة بعض السياح السعوديين .. يعني الله خلق لك عقل ليش ماتفكر فيه ياثور انا اتكلم عن اللي يتعرضون لعمليات نصب تافهه طبعاً .. 7 7 7 موضوعي ياجماعة الخير .. عن الاجانب اللي بالسعوديه عموماً .. وتعامل السعوديين معهم .. وعشان مايتشعب الموضوع ويجي احد ويقول لي البنقاليين ومادري وش بعد .. انا بتكلم بشكل خاص ومحدد عن تعامل السعوديين مع الاجنبي وليس العكس وهالموضوع كتبته من حرة مافيني وغيره من قلب مؤمن كان واحد من الشباب وهذا هو قدامي بالدوام فاغر(مفهي) ويشوف وش اكتب ..يقول لي (كنت انتظر فنيين هنود .. مندوبين من الرياض على النقل الجماعي .. وتوقف النقل عند محطة النقل الجماعي واللي تبعد عن مكاني 45 كيلو تقريباً .. من هناك ركبوا مع راعي تكسي سعودي عشان يوصلهم للمكان اللي انا فيه المهم يوم سئلتهم كم اخذ منهم .. خصوصاً اني اكتشفت ان سيارة اللي جابهم ماهي تكسي !! والرجال مهوب مصرح له ينقل عمال !! قالوا لي اخذ من كل واحد منا 60 ريال .. يعني 120 ريال على 40 كيلو .. ماصارت ولا بأغلى الدول ... يلعن راسك يالسافل الحين الواحد اذا بغى يسترزق ياخذ له مكسب ريال ريالين مهوب المكسب دبل طبعاً اقول للفنيين هذا نصاب .. يقولون لي مافيه مسكل هذا يدفع سركه يعني كل الدعوه نصب بنصب حشا بغابه صرنا !!!) ياناس انا مره جيت بالطياره وكنت سهران وحالتي حاله ونفسيتي خايسه وثوبي متعفط وبطني يوجعني ماكلن سندوتش تونه حق الطياره والظاهر ان المضيفه تافلتن فيه لاني سبق وسلهمت لها بأول الرحله يقالي اغازل وجت حوبتي بمطب جوي ماصحيت الا وانا على الجناح <<<< من دون مبالغه لان المبالغه تعجز عن المبالغه في هذا الشق المهم يوم وصلت للمطار .. طبعاً زيي زي اي لوح بالدنيا شايل شنطتي بركب مع ليموزين واجلس اتذب عليه الين ناصل للاسف تفاجئت ان سقيط المجتمع السعودي هم اللي ماسكين الكونتر حق طلبات التوصيل <<< حشا بيتزا هت مهب ليموزين واجلس انا والجاليه المصريه والباكستانيه على الرصيف حول النصف ساعه لان البشاوات حقين الكونتر سنعوا اقاربهم وسقيطهم ومشوا الليموزينات .. وخلوني انا والاخوان في الجاليه المصريه والباكستانيه نتنظر الين ترجع الليموزينات لسبب ان مافيه لميوزينات زياده باالله انا وانا سعودي حقدت على السعوديه وعلى ديرتي من هالموقف .. لان المشكله هذولا اللي بالمطار يمثلون واجهه ا لديره اللي هم فيها ! يعني لو يصير لك هالشي بالخارج .. كان لعنت ابو الديره واهلها .. وقلت : عشاني سعودي مرمطوني بالمطار !! حنا دبش ياناس .. نشوف عيوب الغير ولا نشوف عيوبنا !!! يعني ترى حتى هم عندهم ايدين ورجلين وعيون وخشم .. مثلنا اوادم قسم باالله ابغى اي واحد منكم بكرى الصبح يطلع للبر .. ويشوف الرعاة السودانيين كيف عايشين .. قسم باالله هاذي سواة مسلمين !! تخيل راعي سوداني او هندي او غيره .. ياكل تراب الدنيا ليل نهار وفي هالشمس ومامعه الا "قربة" ماء حتى العقرب وهي افسق مافي الارض ماتقرصه رحمة فيه !! اقول تخيل ان الدنيا جارت عليك وصرت بنفس موقفه .. مهوب تبي تلعن سنفسيل اصل اللي جاب ديرتهم !!! والبجاحه والوقاحه كلهن بنفس الوقت مع فارق التوقيت .. اذا قلت لاحد مثل هالكلام قال ( ايه احسن الاجنبي ماينفع معه الا كذا ) شف المنطق بس !! لانه طبعاً هو حمار وانا يالسعودي سلطان الله في ارضه منزه عن كل العالم ! الحين هالحقير اللي مايخاف الله .. كيف يرضى ينام وهالراعي المسكين ينام جوعان ويصحى جوعان .. اهم ماعلى كفيله ان بعارينه وحلاله مايضمى ولا يجوع ..ولا الراعي بالحريقه ماقلت لكم حنا دبش الحين ربعنا يتشكون من الجمارك برى طيب حلو كلام سليم .. انا شوفة عيني بالجمارك اللي تخص السعوديه .. ينتفون ام ام الاجنبي ويحذفون قراشيعه بالارض زيه زي الكلب !\ تعامل زفت + اسلوب همجي .. واعكس المعادله وطبق نتايجها على نفسك وشف وش شعورك !! نروح لمثال آخر .. الحين تشوفون طاش ماطاش كأقرب مثال .. كيف يسفلون بالهنود والسودانيين وغيرهم من الجنسيات !! والله ثم والله لو نشوف فلم هندي ولا سوداني يسوي نفس الشي بالسعودي كان تقوم عليهم الدنيا ويشبون عليه الصحافه والاعلام والانترنت وجميع وسائل الاتصال بالسعوديه !! حتى المجتمع يزعل .. لكن نفس هالمجتمع هو اللي يتعامل مع تقليد الشخصيات الاجنبيه بالمسلسات بكل اريحيه وابتسامه !! ياعيني على المنطق بس .. الله لا يضرنا ياناس حنا اذا بغينا ننقل صوره حلوه للعالم ... لازم نطبق المعامله الاسلاميه بكامل حذافيرها .. ياخي اذا نصب عليك ابن حرام بالخارج ولطش فلوسك وحسيت بالقهر والضعف .. لازم تفكر ان فيه اجانب في بلدك مااستلمت رواتبها من 6 شهور واكثر  .. لازم تحس ان هالشي اللي صار لك يصير في بلادك وبشكل اقسى وافضع !!! العماله ماجت من حالها .. حنا جبناها لاننا بحاجتها وهي ساده ثغره اعترفنا ولا مااعترفنا !! اللي بيقول لي خلهم يطسون . . برد عليه : ( تقدر تاقف بالشمس ساعتين عشان تقوم لك جدار ولا تصب لك ميده ) العماله تسرق وتنهب وتسوي جرايم انا معكم .. بس من اللي جابها !!؟ مهوب حنا !! خلاص اجل كولوا قش انا منب ادافع عن العماله ولا عن الاجانب .. بس ياناس هذولا لهم لسان واذا راحوا لديارهم قالوا السعوديين سووى معي كذا وكذا وكذا يااخي يمكن على يدك وعلى معاملتك تخلي هالاجنبي الغير مسلم يسلم ... من معاملتك له وتعطيه صوره حلوه عن الاسلام وانت وااجهته انا اختصرت الموضوع .. لان الفكره وصلت .. واتمنى انها وصلت لاني ماودي ادخل مع احد بدواعيس مالها داعي ودايماً نتذكر اننا قبلة المسلمين وقدوتهم .. واذا تشوهت القدوه الحسنه ضاعت القييم .. والعدل انخلق لكل الناس مهب لناس وناس .. وترانا قبل مانكون سعوديين حنا مسلمين .. واذا كان فيه احد معترض على هالكلام يمدحون جمال عبدالناصر ومشكورين مقدماً ..واسف على الحوسه لاني مستعجل وبالشغل ونسيت اذكركم بحاجه [blink]عامل الناس كما تحب ان يعاملوك [/blink] التعديل الأخير تم بواسطة سطل ; 12-24-2005 الساعة 03:52 AM |
||||
|
|
|
12-24-2005, 03:58 AM
|
#2 | ||||||||
 
|
تعظيم سلاااااااااااااااااااااام ، الصراحة عجبني هالكلام ، كله تمام التمااااااااام ، وربي ياسطل ماتنلااااااام انا معااااااك في كل اللي كتبته وكل اللي ماكتبته << اللي في خاطرك عن الموضوع فقط لاغير كفاية النظرة الدونية اللي تشوفها من عيون سعودي لواحد وافد أما عن الشغلات الثانية عد واغلط مرمطة ، غش ، ضرب ، تسفيه ، وغيره وغيره وغيره موضوع ميه ميه موضوع فعلا اسميه وطني موضوع يعالج مش ينافس تسلم ياسطل |
||||||||
|
|
|
|
12-25-2005, 03:05 AM
|
#4 | ||||||||
|
اقتباس:
لاتلمووون يااخوي والله من حررر مااشوفه اقتباس:
ماعلينا والله لو على الكتابه بتعب وبتتعب انت وبيتعب المشاهدين والمخرج والخ فهالموضووع والله من جد يجهل الجميع وش خطورته وانا بوضح هالشي تحت اقتباس:
لاتروح بعيد انت يافلان اذا ريسك بالعمل سوا لك ماتسويه انت لعاملك او شغالتك وش بتكون ردة فعلك ....... بتزعق وتصارخ وتقول مظلوم وظالميني وتبي تشتكي طيب هالفقير من بيشتكي له من بياخذ حقه ... بتقول لي رووح مكتب العمل ... اقول تبي تخربها عميتها اقلها تسفره وانتهت السالفه وقطت رزق الرجال ... وقطع الاعناق ولاقطع الارزاق واللي يقهرك زود رجل يتشغل عنده عامل كبر ابوه يعني هالعامل لو تقول عنده عيال اقلهم كبر كفيله وبالاخير هالكفيل مااحترم شيبة هالفقير حتى لو مو مسلم يااخي انت واجهة المسلمين انت يكفيك انك من ارض الحرمين وتحصل الكفيل يكووفنه (يكفخه )بالطراقات والله تصعب عليك حالة الشايب وهو يبكي ..... يااخي اعتبر ان ابوك يشتغل في مكان ما وصار له اللي صار هل ترضاها ؟ وش بتكون ردة فعلك ؟ هذا وهذيك وهم كلهم جايين للقمة العيش ويكدون على اهاليهم اقتباس:
وتسلم يمينك لهالتشريف الجميل ولو ان كان ودي انك تذكر لنا بعض الوقائع اللي تحدث بالشارع السعودي وترى ماسوينا الا الواجب يابعد تسبدي ولي رجعه مع هالموضوع شكرا ياابو طلال مره اخرى ولا خلا ولاعدم |
||||||||
|
|
|
|
12-25-2005, 03:28 AM
|
#5 | ||||||
|
مرحبااا
اقتباس:
حبيبي يا وش اسمك ؟؟ برب بشووف نكك باك اي يااستاذ عاشق الجنان ... يااخي اسمك حلو على هبال على مدري وشو يعني عاشق خباال معناه ؟؟ مااعلينا .. كنا نقول يااعاشق هالاسلوب هو المفروض يكون احيانا لكي تصل الى جميع الطبقات ..صحيح فيه مواضيع يحتاج الواحد انه يغش من اللي بجنبه لين ماتعصر مخك وتطلع كلمه فصيحه بس هالاسلوب يمكن يخلي الكل يشارك .. الكل يفضفض وهذا هو المفروض يكون هنا عشان كل واحد ينبسط ومن بكره يجيب حصير والقهوه والله عاد بيفتحون شارع كورنيش بالمنتدى لؤؤؤل اسلوب اللهجه العاميه تصل الى جميع الطبقات .. الاسلوب الفكاهي لمتعة القارئ وعدم احساسه بالملل وهو يقراء ... اسلوب العتاب .. فيه قليل من القسوه وربما تكون هي رحمه .. اسلوب التشبيه .. لكي تصل الفكره اسرع ويكون هناك ردة فعل سريعه ازاء ذالك --> طيب اختصرت من اول وفكيت الرجال لؤؤؤؤؤؤؤؤل اقتباس:
حبيبي عاشق انا تراني مااحطيت الموضوع عشان تقول لي شكرا على الموضوع وتنصح وتمشي ---> شرايكم فيني قوي حبيبي انا طرحت الموضوع للنقاش وبما انك احد قراءه وانت مشرف فلا بد ان تكون قدوة القارئ وتعقب لكي تتركه يعقب بعدك والا بتصير مثلهم وتطالعني بنظره دونيه على قولة ابو طلال اي ترى حنا بمثابة موظفين عندكم انتم مشرفين واحنا اعضاء وكلن ومقامه واسفين على العتب --> والله عينه قويه بس هذا مجرد تذكير وتنبيه وقد يكون من صالح التطوير العام للكتابه والمشاركه وانشاء الله نشوف تعقيبك باحسن من كذا وتسلم لي ياقلب على التشريف ودمتم التعديل الأخير تم بواسطة سطل ; 12-25-2005 الساعة 03:31 AM |
||||||
|
|
|
|
12-25-2005, 11:43 PM
|
#6 | ||||
|
نرجع لموضوعنا اللي اشووفه نازل تحت ولا كان له اي اهميه او اعتبار
موضوع الشغالات هو موضوع متفرع من هالقضيه يااخوان الشغاله ممكن تكون نعمه وممكن تكون نقمه وبصراحه لو اتكلم عن هالموضوع ماراح اخلص الشغاله اذا جت ابد تقول خرسه تقول مااتعرف شي من قال لك ماتعرف ؟؟ هي تعرف كل حاجه والحين ماافيه احد مايعرف لكن انت باسلوب المعامله معها تقدر تسيطر عليها يااخي الزوجه والبنت في البيت اذا عاملوها بشر وبقسوه وشلون تامنها على عيالك الصغار ؟؟ يمكن هي تبي تنتقم ايه تنتقم شفيك تطالعني !! انت مارحمتها ولا زوجتك ولا ولدك ولابنتك وروحي جيبي وروحي ودي حتى الصغار يتامرون جيبي لي ماي وتعلمون عيالكم على الرباده والكسل ... اي صح تشتغل بفلووس لاتقعد تقول لي فلوس ومدري وشو تراها 600 ريال وصحيح تسوى عندهم بس وش عليه ؟ بالله عليكن يابنات افرضي الشغاله انحاشت او راحت لاهلها زياره وش بتسوين في الفتره اللي هي مو موجوده ؟ ترى خلاص ماعاد فيه بنات ونسوان مثل الاوليين والله تحصل في البيت مره تسوى عن مية رجال وبعد ماتخلص من بيتها تحصلها تروح تبسط بالسوق تشوف رزقها على هالبسطه يمكن انها فقيره طالعوو الدول الثانيه ؟؟ يعني مايعيشون بدون شغالات يااخي ارحموو من في الارض يرحمكم من في السما الله رحوم بعباده فكيف انت وانت بشر ماترحم ادمي مثلك والا انت لك يدين ورجلين وهو ناقص يااخوان انا مااتكلم بلغة الخصوص انا اتكلم بلغة العمووم ... والله يالربع ان عجوزي ماتستغني عن الشغاله بتقول لي ليه ؟؟ اقول لك ليه فديتها الوالده بعد مايروحون العيال المدرسه تقعد معها وتعطيها من هالنصايح ومن هالدعاوي الين ماتحفظها هالشغاله وتعطيها عن امور الحياه وماتتكلم معها غير قال الله وقال الرسول والله حتى احيان تقعدها معهم على السفره وتاكل معهم عشان تحسسها ان مافي فرق بين المسلمين واننا من ادم وحوا والله يالربع ان هالشغاله تقول لامي انا كنت غافله قبل عن الصلاه وان نسيتها مااصليها او احيان اتناساها بس بعد ماقعدت مع الوالده تحسفت على اللي سويته قبل ويوم خلصت اقامتها راحت تزوجت شهر ورجعت بسرعه ليه ؟؟ والله انها تقول اني مشتاقه لماما ومارجعت الا عشان ماما طلبت مني كذا -------> يوم قال لها ابوي عطته بلوك وريموف لؤؤؤؤؤؤل فياجماعة الخير احسنو معاملة الاجنبي فانتم الواجهه لاتقول هذا هندي خله يولي هذا هندي غبي من قال لك ان الهندي غبي ؟ يمكن على نياته واللغه تخونه ومايفهم لك صح لكن بالهند عباقره ودكاتره وفلاسفه يااخي انت قيس هذا بنفسك ورح لدوله انت ماتعرف لغتهم وشوف كيف تتوهق ... الكلام اللي قلته على الهندي بيرجع عليك انت اتمنى الجميع يرتقي بالموضوع الى اعلى لاتتردد بالضغط على (رد مع) بادر بالمشاركه والا اقول لك كنسل الصفحه --> كنه هون اسف على الاطاله وشكرا |
||||
|
|
|
|
|
|
العرض العادي
