هذا السؤال اللي عجزت ألقى اجاباته !!!

[فيصل العنزي]

---------------------------


هذا السؤال اللي عجزت ألقى إجاباته
شلون أنا أحبه .. وهو لاهي في دنيته ؟!

من عرفته .. ضعت معه في متاهاته
لا الشمال يعجبه ولا اليمين هو وجهته !!

أتبعه وانا مدري وش مصير خطواته
وأهجر الـ (لا) إذا كانت الكلمه كلمته

تمر الأيام وهو مادرى حتى بذاته
وشلون يحس فيني وأنا خارج ديرته ؟!

أبكي على غيابه وعلى كثر نار لوعاته
كني طفل يبكي .. وهو محروم من لعبته

أخاف بدنيته ينساني واخاف تفقدني حكاياته
مع إنه واعدني مايحرم عيني من نظرته

أنفه كحد السيف واذكروا الله على ميزاته
وله ثلاث خطوط بالعين لامن ضحك ضحكته

أموت بوردة شفايفه وأضيع بحنان نظراته
وأذكر طاري غيره لجل أشعل فيه غيرته

يحب فيني حروف الشعر ويلهمني بداياته
ويناديني حبر القلم لجل يوصف هم غيبته

شوقي لطيبة قلبه أبد مايوصل نهاياته
والحكي ماينتهي لافتحت مع قلبي سيرته

يضيق فيني الكون لاشكى بحضني معاناته
وتتسابق كفوف إيديني لجل تمسح دمعته

ينساني ويرجع يقول إني مافارقت ذكرياته
واذا زعلت منه .. يفوز برضاي من بسمته

لو يدور العالم ويغيب في طول رحلاته
ماأقول وشلون ولا ليش ولا من متى ؟!

مصيبه لا وصل صبر العاشق حد نهاياته
والأدهى إذا انتصر صبره على عزته

بهالدنيا يدفنون الجسد ومايبقى إلا فتاته
وانا يبقى لي سؤال عجزت ألقى إجابته ؟!

أتمنى تحوز على رضاكم /اخوكم فيصل

[!_ النازف _!]

قصيده حلووووووه اخووي فيصل

بس فيها غلط
لو يدور العالم ويغيب في طول رحلاته
ماأقول وشلون ولا ليش ولا من متى ؟!

القافيه غيرتهاااااا ..

لو انك بعد مغير القافيه لانها فيها تشابه اته .. ته

الى الامااااام ..