chicken keema

[عَذْبَھْہّ]

المقادير (تكفي 4 الى 6 اشخاص وممكن تقسميها وتحطيها بالفريزر وتخرجيها تسخنيها جدا عادي ومجربة مافي فرق بالطعم)

مدة التحضير : 10 دقايق
مدة الطهي: ساعة واحدة

1كيلو لحم دجاج مفروم
بصلتين حجم وسط مقطعة شرايح رقيقة
1 ملعقة أكل خليط الزنجبيل والثوم( او اهرسي زنجبيل وثوم طازج بما يعادل ملعقة طعام او اكثر شوي)




4 قرون فلفل حار اخضر(موضع بالصورة) يعني مو الرفيع الناعم لا الي شوية عريض وبطول الاصبع
نصف علبة طماطم مقشرة ومقطعة .. او حبتين طماطم مفرومة ومهروسة بالخلاط
1 ملعقة اكل معجون طماطم
1 معلقة اكل كبيرة تشلي صوص الحار المركز .. وممكن الاستغناء عنه
5-6 ملاعق اكل زيت دوار الشمس اوزيت زيتون >>>>>>هذا لأهل الدايت بس عادي تزيدين براحتك
كوب او كوب ونصف كزبرة طازجة مفرومة

( البهارات)

نصف ملعقة شاي فلفل احمر مطحون(حار)
نصف ملعقة شاي كركم
نصف ملعقة شاي جرامسالا
1ملعقة شاي كمون حب مطحون نص صحن(يعني الحب الصحيح تجيبيه وتضربيه بالمطحنة كم ضربة بس تكسريه وهذه الحركة تعطي طعم غير)
1ونص ملعقة شاي كزبرة ناشفة مطحونة
1ملعقة شاي فلفل حار مجفف ومقطع حطيت صورة خاصة للبهارات للتوضيح




الطريقة ... مع الصور

ضعي الزيت على الطنجرة او الجدر الي تحبين تسميه خخخ وحطي البصل ووطي النار وقلبي بين فترة وفترة لحتى يذبل ويصير ذهبي .. طبعا الحركة تحتاج صبر تاخذ من 10 دقايق الى ربع ساعة لان الزيت قليل بس الي تحب تضيف براحتها لان المدة تصير اقل




بعد مايصير البصل ذهبي اللون زيدي النار وخليها على اعلى درجة واضيفي الدجاج المفروم مع ملعقة الزنجبيل والثم وقلبي لحد ماتتأكدين انه مافي كتل كما في الصورة التالية




بعدها وطي عالنار وغطي الجدر واتركيه لحد ماينزل كل الماي ويبدأ ينحمس بزيته .. طبعا مع التقليب كل خمس دقايق .. تقريبا تاخذ هاي المرحلة نص ساعة او اقل حسب كمية اللحم ..

بعدها لما ينشف الماي نضيف البهارات والفلفل الحار والصلصة الحارة ونقلب..










نسيت اوضح شغلة .. تشوفون الكاس الي فيه سائل أحمر.. هو عبارة عن خليط نصف علبة طماطم وملعقة معجون ونصف كوب ماي بالخلاط او بجهاز الهرس الي يستخدم للشوربات

نضيف عصير الطماطم ونقلب




الخطوة قبل الاخيرة .. أضيفي نصف كمية الكزبرة الطازجة المفرومة وقلبي وخلي النار هاااادية ... لمدة ربع ساعة بس راقبيه حتى ماينشف عالاخير ... اذا تحسيه نشف زيدي شوية شوية ماي .. وخليه يتسبك





الخطوة الاخيرة هي اضافة نصف بصلة مقطعة شرائح او بصلة كاملة لمحبي نكهة البصل .. وضيفي بقية الكزبرة .. وضيفي شوية زنجبيل طازج مقطع أصابع رفيعة .. بس ماكان متوفر عندي .. وقلبي واتركيه على نار جدا هادئة .. لمدة خمس الى عشر دقايق ...





وبالاخير هذا الشكل النهائي ... اتمنى يعجبكم .. ...هذه الوصفة تنكل مع الخبز او الرز

[لـــمـــ سة حــــ نان]

روعااااااااا

يسلمو

[شوووق]

وش هالخيال

الله يسعدك