بنت واناطح فارس القوم 00 بنتك لامنه عوى الذيب ذيبه

**عَذْبَھْہّ** · 01-21-2008, 01:06 AM

السلام عليكم ورحمة الله وبركاته

ابيات قمه في الرووووعه

لكن للاسف الشديد اني ماعرفت شاعرتها !!

اتركم مع هذه الرائـــــــــــــــــــــعه ..

وانا اهديها لابوي الله يطول بعمره .. يارب ..

يابــــــوي جعلك للبقــــــا والمكاسيــــــب ,,, عمـــري بدونك يالــذّرا ويـــش أبي بــه

يابــــوي تســـأل عن شفـــــاك المراقيب ,,, طلعــــة ســــــواتك للنــــّوايف غريبـــــه

ليــــه المـــــرض مايعرف الزّيـــن والعيب ,,, مــــايدري انك للمخـــــــــاليق هيبـــــه !!

أبســــألك وش بــــه غـــزا وجهك الشيب ,,, والقـــلب لايــــع والنـــــواظر شحيبـــــه

وش بــــك تحــــاتي لانــــوى الموت تغريب ,,, تخشــــى عليــــنا بالليـــّالي الكئيبـــــه

خـــذ دلــّتك واركـــــى على مسند الجيب ,,, وعطنــي شمــــاغك بلثمـــــه وأحتمــي به

ونـــروّح لأرض ٍ بهــــا العشــب والطيب ,,, وتسمــــع كلام ٍ يالغــــلا تحتفـــــي به

يابــوي بنتك لاانحكـــــى بالتــّجاريب ,,, كـــل ٍ يشق لهيبــــه الصـــّيت جيبـــه

يابـــوي مـــاني من ســـوات المخاريب ,, اللـــّي تجيب لعليــــَة القــوم خيـــــبه

ومــاني من اللــّي لامشت حفــّها الرّيب ,,,أنا مـــن اللــّي مايـــدنـــّس حليبـــــه

مـــرفوع شـــاني عن غــرام المكاتيــب ,,, وأكبـــر من انّني أرتضـــــي بالحبيبه

أنــا غرامـــي لاابتـــــدوا بالــتّراحيب ,,, نفوس الأوادم في وجـــودي رحيبــــه

وان كـــان زينـــــي فتنـــة ٍ للمــصاويب ,,, حــــط وجهـــي بالحــــريق ولهيبـــه

زينـــي أبيعـــه وأشتــــري سمعه الطّيب ,,, اســــم ٍ ينـــومس بالصـــّروح الذ ّهيــــبه

وان كـــان عندي ( بالحـــلا) شي ٍ اصعيب ,,, عندي جــــدود ٍ مارضــــت بالغليبـــــه

دمــــوع القبايل في لقـــانا مســــاكيب ,,, كــــن المقــــابر لاحضـــرنا قريبــــــه

خضـــّبت لك كفـــّي من العـــز تخضيب ,,, ورفعــــت راسي للنــّجوم الصــّعيبه

واللــــه لأســــدّك بالفــعول المصاليب ,,, واللـــــه لأشيـــلك بالرخـــا والمصيبه

طــــلع المعــالي ماانحكــــم للشــّواريب ,,, بنـــت ٍ وأنـــــاطح فارس القـــوم طيبه

وياشيخـــي إبشــر لوتدور الدّواليـــب ,,, بنتـــك إلا منـــّه عــوى الذّيــب ( ذيبه)

اتمنى ان تعجبكم ..

.....

01-21-2008, 02:15 AM

الله اكبر على الشموخ والشخصيه

صح لسانها

وتسلم ايديك يامهره :)

ذوووق رفيع واختيار موفق وربي

عندي لها رد بس مادري ليش مابي اكتبه :)

**خربشات مبدع** · 01-21-2008, 03:05 AM

ماشاء الله عليك مهرة الخياااااال..اختياراتك ذووووووق ..
مدري شقوووول لقول..دائماً مبدعه ومميزه..
جاني فضول ياالمنسم ودي اعرف وشو الرد..ياليت لو تسمح تقوله..

**الفجري الخالدي** · 01-21-2008, 10:12 PM

أبســــألك وش بــــه غـــزا وجهك الشيب ,,, والقـــلب لايــــع والنـــــواظر شحيبـــــه

مشكوره والله لا يهينك قصيده مشالله طيبه بالحيل

وتقبلي مروري الفجري الخالدي

**عَذْبَھْہّ** · 02-03-2008, 04:14 AM

اقتباس:

المشاركة الأصلية كتبت بواسطة موـوـت المشاعرـر

الله اكبر على الشموخ والشخصيه

صح لسانها

وتسلم ايديك يامهره :)

ذوووق رفيع واختيار موفق وربي

عندي لها رد بس مادري ليش مابي اكتبه :)

صح بدنك ..لاهنت ..
وتسلم يمناك ..
الذائقه يملكها متذوقي الشعر امثالك ..
الله يعطيك العافيه ..

**Fernando Tores** · 02-03-2008, 08:06 AM

الله اكبر قصيده رائعه والله رائعه
يعطيك العافيه

الإهداءات
إضافة إهداء