يناظرني بطرف عينه يقـول : الأخـت مغـروره ..؟

**عَذْبَھْہّ** · 11-22-2008, 08:01 PM

يناظرني بطرف عينه يقـول : الأخـت مغـروره ..؟

و اقول له مو هذاك الزود و لكن.. يعني / اشويه ..!!

صحيح إن الله خالقني .. كـذا حلـوه و أمـوره ..!!

و فيني من جمال الحور وصف منهـا و ماريـه ..!!

و صحيح إنـي إذا مريـت مكـان تحوشـه الـدوره

يدوخ / يطيح مـن حيلـه و يصبـح عنـد رجليـه

لامرت أيدي فوق الثلـج .. يـذوب الثلـج بالفـوره

و يصبح من بروده نار .. كـذا مـن لمسـة ايديـه

و لا منـه لمحنـى الـورد حقـد هالـورد بعطـوره يقول :

شلون عطور الورد تمشى بهيئـة أبنيـه ..؟!

تصدق أصـدر ابشكلـي .. بيانـه مجلـس الشـوره

و أجمع في بيانه بي " غزال بوسـط محميـه " ...!!

يقول من الفضا بنشوف حـد الصيـن مـع سـوره

و اقوله يا عطف ربي .. ما شافوا لسه عينيـه ..!!

تنحى من الحكم و اذعن .. رئيسه و أمبراطوره ..!!

عجايب ربي خالقهـا ... بعينـي ذي مـع ذيـه ..!!

يحلفني العسل ما اقـرب هـذاك الشهـد ..مـا زوره

يقول انـه حكـي لسانـي منافـس لـه بجديـه ..!!

ما هوب غرور حشى لله و لكن صدق .. عصفـوره

إلي جنحان من حلمـي .. علـى شويـة رومنسيـه

أعشق العشق من صغري .. لذا أنتجت دستوره ..!!

ورتبت المبادئ به .. وفاء مـع صافـي النيـه ..!!

تبيني أختصر وصفي ... أنـا و الله أسطـوره ...!!

عروقي جامعه الثنتين .. نجديه / حضريه ..!! .

تصدق معجبه ابنفسـي .. أنـا و ابنفسـي مبهـوره

أجل وشلون ألـوم النـاس ؟؟!!لقالـوا مـا حـدٍ زيـه