مساجله شعريه في تحدي الشقرديه

[عَذْبَھْہّ]

هلا يا أجمل أيامـي هـلا يالماطـر الهتـان
هلا يالّي تراعينـي فـداك أيامـي وسنينـي

عساني مانحـرم منـك تجـدد للهوا ألـوان
منى روحي أجي يمك وأضم ايديـك بيدينـي

حبيبي والولع زايـد ولـع ماجربـه انسـان
أنا أدري بالغلا كله ولا أنـت الـي تخلينـي

غلاك الي ملك روحي سرا في داخل الشريان
وفي عقلي وتفكيري وطيفـك ساكـن بعينـي

عرفتك وابتسم حظي وشفتك للوفـا عنـوان
أبيك ولا أبي غيـرك وسعـدي يـوم تاتينـي