جرحن قديمن مكتمل في فصوله !

[المـشتاق]

صَبآحكم ، قَصيد !

**

أَقسى جروح الروح بــروازه الصمّـت
.......................................ساكـت وليـل اليـــاس يعـلـن وصولـه
أَقسـى عـذآب الوقـت لا مـن تعشـمّـت
.......................................بالغـيـم وأَثــر الغـيـم مـبـعـد هـطـولـه
قولـوا لهـم .. قولـوا تـرآنـي تعلـمّــت
.......................................خـذيـت أَنــا دنـيــآي صـولـه وجـولـه
قـولــوا تـرآنــي بـالـزمـن ماتـكـلـمّـت
.......................................خايـف علـى البيـرق وذيـك الحمـولـه
قولـوا تـرى فــي غيبـتـه ماتهشّـمــت
.......................................بالعـكـس زادتـنــي ثـبــات ورجـولــه
ماطـحـت شـامـخ ثـابـتـن ماتـهــدّمـت
.......................................لـو كـان حولـه حـال مـن قبـل حــولـه
هـو يحسـب انـي بأنثنـي لـو تنــدّمـت
.......................................لا والـــذي تـرجـيـه عـيـنـن خـجـوله
لا مــا انثـنـي لــو مـــت والا تـالّــمت
.......................................مثلـه حـرام اعيـش وانطـر وصـــولـه
هـو يحسـب انـي فـي غيابـه تحلّمـــت
.......................................لا والــذي ســـواه مـاشـفــت زولــــه
يمكن على الذكرى مع الليـل وسّمـــت
.......................................جرحـن قديمـن مكتـمـل فــي فصـولــه
يمكـن سواتـه لا طــرت لــي تقــدّمـت
.......................................لـلـنـار والـجـمـره وعـبــره عـجــولـه
ماهـي بعبــرة ضـعـف لـكـن توسّـمـت
.......................................من صاحبـن خايـف جروحـي تطــولـه
ياصاحـبـي سـاكـت زمــن ماتظـلّـمــت
.......................................والقلـب نعـرف بالهـوى وش ميـــولـه
خذيـت وقتـي صـمـــت لـكـن تحطّـمـت
.......................................ساكت واشوف الغبـن عــرضه وطوله
سـامرت نجم اسهيـل وسهيـل علّمـــت
.......................................وش هي ســواتك والغدر وش اصـوله
درب الـغـدر لــولا الـغـدر ماتجهّـمـــت
.......................................واقفيـت اردد قــاف صــــدري وقـولـه
مـانـي ضعـيـف ولا نويـتـــك تـقـدّمـت
.......................................ولا انت بشجيـع ولا خذيــــت البطولـه
قـبـل المـفـارق يكـفـي انـــك تلـثّـمــت
.......................................وشلت القناع اللـي خــــدع الـف دولـه

رآقت لإِحسآسي !

**

[عديل الروح]

الله عليك

جبتهآآ فى الصميم :) ..


آعجبتني بعضهآآ وخآصهـ هالأببيآت

قولـوا تـرى فــي غيبـتـه ماتهشّـمــت
.......................................بالعـكـس زادتـنــي ثـبــات ورجـولــه



المشتآق


لآهنت ع النقل

,,

[الا الكرامه]

جبتها على الجرح ياخوي لكن الزم مع الانسان كرامته

[نبض الأمل]

قصيده آكثـــر من رآئـــعه..

آلمشتآق .. الله يعطيك الف عافيه ..

ولاتحرمنآ جديدكـ..

لك ودي..

[المـشتاق]

والله عليك ياغريب ع المرور

اهم شي اعجبتك مشكور ع المرور

[المـشتاق]

الا الكرامه نعم الزم ع الانسان كرامته

مشكور ع المرور

[المـشتاق]

الاروع وجودكـ في صفحتي يانبض
الله يعافيكـ من كل شر ولكي ودي واحترامي