(( سجل حضورك في بيت شعري ))

[الحــزن عــادة]

الصدر ضايق و الجفن سد عاليــي

حبس وراه اسرارو احزان وادموع

اجلس مـع اخـوانـي وكنـي لحـالـي

اتـصنع البـسمات والـقلب مـوجوع

وانا كــذا ؟ مـن سبعـة ايـام حـالـي

من بعد ذاك اللي هجرته من اسبوع

لـه اربـع سنـين وهـو راس مـالـــي

ويمشي معي دايم على السمع والطوع

يـا كـان يـعـشـقـني ويـعشق ظلالي

وياهو في موق العين والقلب مطبوع

اذكــر مــواقــف بينــنا فـي خيالـي

ثـم اتبـســم واكتـم الـدمـع والـلــوع

مـلـيـت مـن تـمـثـيل دور الـمثالـي

اللي يشوف الشوق والحب ممنوع

يـاخـوي انـا مـا نـيـب رحـال الـي

هيكل من الفولاذ والصلب مصنوع

صحيـح اكـابـر لـو الاحـزان فـالـي

واتظاهر الشبـعـه وانـا مـيت جـوع

لكن .. اذا حبيت لانسـان غالي

طبعا بـحس بحالـة الضيق والـروع

تبغى الحقيقه عاد؟.. ماكنت ابالي

كنت احسب انه يشبه الغير في النوع

ويـوم فـقـدتـه قـلت شلـلي جـرا لـي

وقام الخفوق ايون وابصوت مسموع

وشـفت الـليالي غيـر ذيـك الـليـالـي

شـفت الـمـجـره لـكن البدر منزوع !!

احـيـان اعـزز فـي لـقـاه احـتـمـالي

واحيان احس ان الامل صار مقطوع










..؛.. الحـــ ــــزن عـــــ ـــــادة ..؛..