(( سجل حضورك في بيت شعري ))

[الحــزن عــادة]

ناديت والليل جاوبني وبكاني
محدٍ سمعني سوى ليل نزع دمعي
ما غير ليلي من الاحباب واساني
يا ويل من همله ربعه مثل ربعي

طالت مسافاتي وتاهت بي ازماني
وعلمني الوقت كيف اقسى على طبعي
ومن طاول الوقت لو هو قاسي لاني
ومن يرفض العشر يقبل عقبها سبعي ..
كم عاقلٍ صار بآمر الحب هيماني
وكم قلب عذرا ترك فيه الهوى صدعي

ياعازف بالهوى منغومة الحاني
رد المواجع نغم في قلبي وسمعي
غن الغزل ينتعش خفاق ولهاني
واشرب زلال الهوى من كاسي ونبعي ..
ومادام انا حي كل الحب ميداني
وان مت يا حادي الاشواق لك بدعي






:": الحـــ ــزن عـــ ــادة :":