المحترفين في حواري العيون

[OMAR-6]

حياك الله عيوني صريح
انا معاك تقريبا في اغلب النقاط اللي كتبها قلمك الجميل ياجميل..بالنسبه للشباب الاولين ومسأله قلوبهم صافيه واحترام هذا صحيح ولكن لايخلوا من المنغصات لانه من تجربه كان فيه شلليه في نادي العيون مقيته جدا جدا ولكن كان فيه احترام متبادل من الجميع.
اما من ناحيه المستوي الجيل الحالي للاسف لايقارن بالجيل القديم من جميع النواحي يعني كمثال عطني مدفعجي من الجيل الحالي مثل محمد العيد !!!! او عطني مهاجم داهيه مثل زكريا السليم او مشاري العساف !!!!!!!
او عطني مدافع صلب مثل عبدالعزيز الكليب او النصار !!!!!
طبعا لايوجد لاني شاهدت الجيل القديم وشاهدت الجيل الحالي اللي للاسف ماهوب حالي الا والله ماسخ ماسخ !!!!!!!!!!
اما من ناحيه تشجيع الانديه شباب اول يشجعون الاتفاق الهلال النصر وغيرهم لكن مستوي الواحد منهم عن اربعه من الجيل الحالي وبدون مبالغه.
اما الجيل الحالي يشجع الريال والبرشا علي قولتك لكن ليتهم والله يستفيدون من مشاهدتهم الانديه الكبيره !!!!!!
والله ثم والله الاغلبيه الساحقه مستواهم سيئ جدا جدا !!!!!!!!!!
وابغاك تشوف كتابات الاعضاء الحلويييييييين في هذا المنتدي في جميع فرق الحواري والله تشوف العجب !!!!!!!!!!!
يعني اللي كاتب الللاعب الاسطوره والاعب اللي افتقدته الملاعب واللي واللي واللي !!!
يعني بالله عليك عندنا في حوارينا لاعب اسطوره !!!! او حتي اللي كتبها يفهم معني كلمه اسطوره !!!!
والله اني اقولها من حقيقه واقعه لاني بعض المرات اجلس واتفرج علي لعب اغلب فرق الحواري والله ماشفت اسطوره ولا هم يحزنون !!!
يعني للاسف فيه بعض اللعيبه مستواهم جيد لكن مايوصلون الي مستوي الجيل القديم للاسف !!!!!!!!!
يعني كيف يصنفون انفسهم مقارنه مع :
منصور الكليب .شبيب العساف .محمد العيد .زيزو .زكريا السليم .مشاري العساف .النصار .ابراهيم دريهم . وغيرهم كثير ويسمحون لي الباقين اللي ماذكرتهم لاني كتبت وانا مستعجل