(( سجل حضورك في بيت شعري ))

[كلمة حق]

ضاقت دروب الحس بانسان حساس
........................ واغلق عظيم الهم في وجهي ابواب

كني غريب الدار في حضرة الناس
........................ كني فقيد الذهن في عزّ الالباب

افلست وافلس خافقٍ عاف الافلاس
........................ ما عاد للدنيا على بالي حساب

ـ

[عديل الروح]

جيتك , وأنا في داخلي زحمة كلام
ألف أبو مليون .. قصه , وسالفه !

شي حزن, وشي بوح, وشي ملام
وأكثره (( آهات روح ٍ )) .. تالفه

قلت أسولف لك عساي أقدر أنام
وأستريح .. من العنا .. وموالفه !

طارت أسراب الحكي بإسم السلام
تحلم بـ (غصن السماع) .. تحالفه

ماتحقق حلمها ,,, ومات الـحمام
والبقيه ,, بـ رأس (باقي السالفه)!

[عديل الروح]

" عادي " و يعني ؟ ليا من خابت الهقوه
من قبلها ضاع حلمي و أجمل ألواني

**

عشت العمر ضيف / لا خوّه ولا عزوه
وحداني .. وأبقى إلين آموت ( وحداني ) !!!

[عديل الروح]

الصمـت " بـوح الخـفوق " اللـي تغـنـّـابك
والدمـع .. أعظـم كـلام ٍ ما بعـد قلتـه
* مـو عيـب *
تعطـي غـلاك وفوقـه إعجـابك
تـرا { الحـنـين } بغيـابك ما تحملـته ..

[عديل الروح]

قلي احبك حياتي ..ايه شجعني
عطني اشاره اجي اطق انا بابك

شفني جروحٍ..سيوف الوقت تطعني
خذني بقايااا جروح بداخل اهدابك
..
..
دور شتاتي ولملمني وجمعني
انته علاجي وربي يالغلا جابك
..
..
تعال تكفي حياتي صدق احضني
اموت في رحيتك وبريحة ثيابك
..
..
تكفي حبيبي طلبتك لا تجاهلني
اعيش في طلتك واموت بغيابك

..