اخوكم ناجي حمد الهزاع

[قرصان]

اخوي ناجي

كلامك على بعضه اكيد انه يصب في مصلحة البلد لكن انك تحط المشكلة على ناس ساعدوا في توضيح من هم ضد البلد ومن هم مع البلد فهذا شي كبير يسيء لك اخ ناجي لازم انك تنصف للجميع

كلنا عرفنا اساس المشكلة ولاشفنا منك ردة فعل الا يوم كبر الموضوع وينك عن الراس الأكبر في المشكلة وينك عن مشاكله مع جماعته وووووو ، انا ما اقولك ان مافيه مشاكل في المساجد الثانية لكن مشكلة عن مشكلة تفرق ومشكلة خويكم تكمن داخل نفسه مع اللي حوله ولا يحتاج نذكرك سواياه مع حمد الفالح وحمد الشدي وووووو فكيف تبي نصير يد واحدة والمشاكل تطلع من امام مسجد اللي هو على كلامك ياخذ ويعطي مع جماعته والجماعة تستشيره وعلى كلامك ايضا ماتبي البعيد يتشمت فينا اكيد انك ملاحظ (وعايش) التصنيفات في البلد اللي مابقى احد خارج العيون يسأل اللي من العيون انت وش صنفك ، ليش ماشفنا نصيحة بخصوص هالموضوع وليش ماشفنا موضوع عن اللي يحفر من تحت لتحت عشان ياخذ منصب (مدير مكتب) ولا يحفر كذلك لأخوه عشان يمسك (امام جامع ) وهذي الاشياء اكبر من موضوع جرايد وعلى ذلك فقس يا اخ ناجي

يعني لو وجهت كلامك لإمام المسجد- اللي عاجبه الوضع ورايح يكتب في الجريدة شكر -لكان افضل


اخوي ناجي يعلم الله اني احترمك واحبك في الله واعتبرها نصيحة من اخوك الصغير اجعل اطراف القضية في موضوعك (ولاتخص) احد ايا كان لأن على كلامك البلد اهم شي عندنا