(( سجل حضورك في بيت شعري ))

[!_ النازف _!]

سو اللي براسـك ولاتذكـر اسبـاب
لاصرت بايعنـي توكـل علـى الله
مابينـي وبينـك مشاريـه وعتـاب
شف دربك الـي جيـت منـه تدلـه
ماراح تغلبني لـو الحـب غلاب
من حضرتـك عشـان قلبـي تذلـه
في ذمتي لجعلـك عبـره للاحبـاب
لين الخلي يتوب عـن جـرح خلـه
زلاتك الي مانفـع فيهـا احساب
لاجيـت اعددهـن ثمانيـن زلــه
احرجتني بين القرايب والاحباب
كان الجفـا سيـف بوجهـي تسله
ماكنت اقصر فيك من كثرالاعجاب
يومك تساوي عنـدي الكـون كلـه
كنت القريب وكلهم كانوا اغراب
حتى القمر لاغـاب شفتـك محلـه
خلاص لاترجع ترا خاطري طـاب
ابي طرا اللي كنـت عايـش بظلـه
رح واعتبرني واحد اذنـب وتاب
مانـي بثـوب تلبسـه ثـم تمـلـه
مايجتمع بالحب صـادق وكذاب
رزقي على الله وانت رزقك على الله