أسماء الشدي وقصيدة من قصص الأيام (3)

[اسماء الشدي]

المشاركة الأصلية كتبت بواسطة ركاد المنصوري

شاهد الزور من تبغى تضر=شايب ضيعت عمرك للمصاري
امرك المزري للناس اشتهر=وانكشف زيفك ولا تقدر تداري
مختلط صحوك وغيمك والمطر=وانت كلك منخفض برد وغباري
لابس مسح العبادة والطهر=وفي المحاكم قام شيطانك يماري
وكم بيت من مهاريفك دمر=وكم شخص من محاليفك دماري
قال انا مصلح ومنطوقي درر=وكفة الميزان تشهد باقتداري
قلت ياكذاب يالضر المضر=بايع ذمتك باجر تكاري
ولا طرى الطاري وطاريك عبر=انتعوذ منك في ليل ونهاري
بايع ذمته خاسر لو تجر=الوسيط ابليس بايع وشاري
والبحر منك تعوذ والنهر=والسفن عيت تسمى الجواري
ولو بدا زولك وبان وظهر=نورها يكسف في عز الظهاري
مفسدن عافتك دنيا البشر=حتى وحش الغاب ويا الضواري
ولو سترك الثوب يفضحك القدر=عند خلق الله مفضوح عاري
ولو دعاك الموت يلفظك القبر=حتى ترب الرمل ماتبغيك جاري
وبسأل العراف من بدو وحضر=وش نعت اللي ضميره تجاري
وهل صحيح ان المظاهر تغر ؟=وهل صحيح ان المشالح تداري ؟
اه من دنيا سفايفها فخر=والعظيم اللي لمصلوحة يجاري
فلسفة دنيا ولا منها مفر=وقالت: العراف ذا حكم اضطراري !
شعر/=أسماء بنت سالم الشدي

يوجد في القصيدة شطر بيت متداخل مع شطر لا يخصه وشطر سقط سهواً 00نسيه أخي ركاد أث

أثناء نقله لقصيدتي 00 والتصحيح كما يأتي :




ولو بدا زولك وبان وظهر \\\\ رجت الأرض ما تبغيك ساري
ولو رأتك الشمس في أوج الظهر \\\\ نورها يكسف في عز الظهاري