عطونا من مواقفكم المحرجة ؟؟؟

[دحووومي]

ياشباب بقولكم موقفي بس لا تظحكون
مره واحد من اخوياي عزيز على اتصل على وقال زواج اختي بكرا
طبعا عازمني من اول ما انخطبت
المهم وانا اللي اتزكرت (( اتزين واتميلح ))
واشغل السياره بعد صلاة المغرب
<<<< مسوي راعي واجب هههههه
المهم وانا اللي اروح ولا احصل احد
واجلس انتظرهم من بعد صلاة المغرب لين صلاة العشاء جالس انا وغترتي عند باب القاعه
والله ويجي ابو البنت واسلم عليه واجلس انا وياه وربي طلع فيني حرص موب صاحي
<<<< مسوي يزين السمعه قدام ابو البنت عشان يزوجه الثانيه وانصدم انو مافيه الا المعرسه
المهم وانا اشتغل واروح هنا واجي هنا كني نحله
ومسوي زحمه والشارع فاضي
المهم بدو يجون المعازيم وانا ارحب فيهم واحمد ربي انو فيه قهوجيين ولا كان صبيت قهوه
المهم اتصلو اهل المعرس وقالو حنا بالطريق
وانا اللي امسك مبخره واوقف عند الباب
جو اهل المعرس والمعرس وانا ابخرهم
المهم قلت لابو البنت انا بروح ابخر المعرس
واروح واغير الجمر واحط عود جديد يوم بدا يدخن ومديته للمعرس الا وتطلع لهبه نار من المبخره
وتحرق نص سكسوكته
والله واحط البخره واضف جزمتي اعزكم الله واهج للبيت واقفل جوالي يومين
عاد بعد السالفه بثلاث اسابيع يقول خويي ان اخته معصبه علي قلت ليش قال انها شافت التصوير
وشافتك وانت تمدها لزوجها وتحترق
وانا على بالي اني ازين السمعه عشان يزوجوني واثاريهم بيخلون ولدهم يقطع علاقته معي
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخ
هههههههههههههههههههههههههههههههههههههههههههههههههه هههههههههه
انا اسف علإطاله بس لازم تفهمون القصه