بصراحه انه رجال

[هبوب الشمال]

السلام عليكم....


فيه وحده معزومه على زواج ويوم الزواج قامت الحرمه وتروشت وتنظفت وسرحت شعرها احلى تسريحه وسوت مكياج حلو ومرتب ولبست احلى فساتينها وتعطرت وتبخرت وبعد ماخلصت اتصلت في زوجها وقالت له اني خلصت
قالها زوجها دقايق واكون عندك شوي واثاري زوجها قدامها
الرجال يوم شافها اعجبته لانه المسكين مايحصله يشوفها مرتبه الا في المناسبات
المهم طلبها زوجها تترك الزواج وتجلس معه وقال لها ابغى اخليها احلى ليله وراح اعوضك عن الزواج قال لها اجلسي معي وننبسط ونسهر ونجيب عشاء من المطعم الزوجه وافقت
قال لها زوجها ابغى اروح اجيب العشاء علشان ما اطلع

راح الرجال مستعجل وجاب العشاء ودخل بيته وش شاااااااااااااف قدامه


الحرمه فاصخه فستانها ولابسه قميص قطن من حقات البيت وغاسله المكياج وفاكه التسريحه وحاطه في شعرها زيت ورابطته الرجال عصب وسالها ليش غيرتي ملابسك وليش سويتي في نفسك كذا
قالت الفستان ضايقني وانحشرت منه وغسلت المكياج ماله داعي وزيت شعري عقب الرغوه والاستشوار تصدق توي احس في الراحه يوم لبست هالقميص

قام الرجال يهاوش وقالها الزينه بس للناس وانا زوجك ما تهتمين لي
وقال والله ماتذوقين العشاء والحين تقومين قدامي للزواج وتدخلين عليهم كذا وانتي في شكلك هذا والا ما راح تجلسين الليله في البيت حاولت فيه الحرمه ماقدرت لانه حلف
وفي النهايه مالها حيله قامت ولبست عبايتها ودخلت في الزواج كانها شحاذه وتركها الين اخر الليل وكل الي في العرس شافوها هي اجلست في عبايتها ما فصختها.

انا اقول انها تستاهل....
سئلت احداهن عن مدى استعدادها لزوجها فاجابت لله درها: سأزين ثغرى دائماً بابتسامة صادقة حتى أمتلك مفتاح قلبه، وأجعله مسرورا بالنظر إليّ حتى أطبق قول رسول الله صلى الله عليه وسلم" حين قال في الزوجة " وإذا نظر إليها سرته".

[السندباد]

بصرااااااحه انه رجال
تستاهل شوي عليها
هذا جزاها و اكثر
هذا حريم هالايام آآآآآآآآآه منهم
حق الطلعات (كيلو بودره)
و حق زوجها يالله تخلف ( كيلو طحين مخلوط مع صابون )
الله يعين كل متزوج
مشكور (هبوب الشمال) عالموضوع
بس وين الحريم يجوون يقروون ؟؟



تحياتي
ولا تحرمنا من هالمواضيع الحلوه

[abusalman]

شكل المره هذي غبيه بالمره