|
|||||||
للإتصال بالإدارة عند حدوث أي مشكلة أو إبداء رأي
 الإهداءات |
 |
|
|
أدوات الموضوع | انواع عرض الموضوع |
12-21-2011, 06:55 AM
|
#1 | ||||
|
وشلونك مع أختك !!!!!!!!!
 اسعد الله أوقاتكم أينما كنتم في الحقيقة أنا لا أجيد المقدمات نقلب الموضوع عاميه اصرف نبي نسولف مع بعض شوي ونراجع أنفسنا ونشوف وشلون تعاملنا.. مع أخواتنا طبعا الوالدين أهم شي والزوجة الخ .. بس أنا في موضوعي هذا أركز على خواتنا أكيد إن الناس ماهي مثل بعض ولكن فيه أمور كثيرة أحس إن الكثير يشتركون فيها ويمكن أكون أولكم .. خلونا نشوف احمد وخالد والفرق بينهم وبعدها نكمل ....... احمد : يانوره يابنت وجع ساعه أنادي وين الفطور بسرعه نوره: لبيه ياخوي طيب طيب ابشر الحين احمد : الحمدلله رب العالمين يمه تبون شي انا طالع>> طبعا من دون نفس وانتي اسمعي بجي بعد الظهر لآ اجي الا والغدا جاهز نوره : ابشر يا خوي الا اقول يا احمد بغيت الله لايهينك تجيب لي اغراض من السوق احمد: يقاطع كلامها طبعاً أنتي فاضيه سوق وما سوق توني موديكم قبل شهر نوره: صدقت بس حنا بنات طلباتنا ماتخلص ياخوي احمد: اقول بلا خبال بنات جعلها تخلص روحك اذا اعرستي اطلبي ع راحتس من زوجك نوره: اووووووف الله يعجل بهاليوم وافتك منك>>> في خاطرها طبعا ماسمعها احمد: سلام يمه... وين نوره يانوره نوره : هلا ياخوي آمر.. اذا على الغدا جاهز وعلى السفره احمد: ايه زين >> شكراً محذوفه من قاموسه احمد: في الليل وش ذالعشاء نواشف وينا فيه نوره: أي ياخوي الغدا كبسه والعشاء افضل يكون خفيف احمد: اقول اسكتي بس انا طالع الاستراحه لحد يزعجني بالجوال كل شوي ترى ماني بفاضي لكم<<< طبعا اول مادخل الاستراحه الضحكه شاقه وجهه واحلى كلام خالد : لا اله الا الله اصبحنا واصبح الملك لله .. صبحتس الله بالخير يايمه >>> يبوس راسها ويدها وشخبارتس يالغاليه كيف اصبحتي إلا وين ساره ياساره ساره: لبيه ..جايه جايه خالد : صباح الخير ياعسل وشلونتس كيف راسك البارح امي تقول انك مصدعه سلامات اوديك للدكتور ساره: صباح النور انا بخير ياجعلك بخير لا لاتشيل هم ماتعرف امك الله يحفظها تشيل همنا من كل شي ابد ياخوي صداع بسيط وخف من البارح الا اقول الفطور جاهز اجيبه خالد : هاتيه الله يسعدك اف اف وش هالفطور الزين اصلا مايجي منه الا زين ساره: بالعافيه.. اقول خالد الله يسعدك أبيك تجيب لي أغراض معك وأنت جاي خالد: ابشري تامرين امر.... ساره : تسلم الله لايحرمني منك طيب وش تبي الغدا خالد: عادي أي شي خفيف حتى لو يكون كبسه ماعندي مشكله ههههههههههههههه يمه انا طالع تبين شي فديتك....... ساره حبيبتي تعالي خذي الاغراض وشوفي لايكون ناقص شي ايه نسيت اقولكم بعد العصر ترى بنطلع انا وياكم نغير جو الين المغرب طفشنا من القعده بالبيت ساره: لاهنت ياخوي هذي هي ماهوب ناقص شي خالد: يازين هالجلسه في الحوش ترد الروح .. الا اقول عساكم استانستو في الطلعه اليوم ساره : أي والله انبسطنا وغيرنا جو وش رايكم في براد شاهي على كيفكم خالد: أي والله توي ابي اقولك ... اف اف الساعه 2 والله ماحسيت بالوقت يالله تصبحون على خير يمه صحيني صلاة الفجر يمكن ما اصحى على المنبه .................................................. ......................... الفكره اعتقد واضحة أنا أبي كل واحد من أخواني الكرام هنا يشوف وين الشخصية اللي قريبه من شخصيته ويحاول يعد أسلوبه في التعامل وخواتي بعد ودي يشاركونا الموضوع ويعطونا رأيهم والأشياء اللي تهمهم في إخوانهم والاشياء اللي تضايقهم بصراحة انا كنت مركزه على موضوع الأخوات لأنهم يواجهون نقص عاطفي عجيب والمشكلة هذي حسيت انها منتشره ويترتب عليها أشياء كثيرة ليش الواحد منا إذا دخل بيته مايكون مبتسم وليش نحرمهم من كلامنا الحلو والبنت بطبعها تحتاج للحنان سواء من الأب أو الأم وخاصة حنان الأخ شي ضروي لأنه الأقرب لها وسندها يعني مافيها شي اذا قلت ياحبيبتي ياروحي ياعسل أي كلام حلو بوسه على راسها وانت داخل البيت او طالع حتى لو هي اصغر منك إذا لبست لبس حلو امدحها وش هالزين وش هالحلاوه.. هديه من فترة لفترة اعزمها لمطعم مثلا بطبع البنات يحبون هالاشياء اذا كانت متضايقه حاول تساعدها تخفف عنها بإختصار حسسها بحبك لها لان البنت عندها غريزة لابد من إشباعها والأهل غالبا مايكونون مشغولين بالبزران وبهموم البيت معناتها أنت المسئول عن أختك لازم تقوم بالأشياء هذي كلها .. أنا ادري إن الأغلبية يحبون أهلهم ومايقصرون بس حنا عندنا خجل عجيب مانقدر نبين مشاعرنا مدري السبب العادات والتقاليد أو سوء في التربية .. مدري وش السبب ..! آسفه على الإطاله .... *** فـ إنتظار فيض آراؤكم وجمال حضوركم.. كُل الحُب ،، . . (سبحان الله) |
||||
|
|
|
12-21-2011, 12:36 PM
|
#2 | |||||
|
مدير الموقع
|
تعامل الاخت لازم يكون من منطلق حب وود مش فقط عطف بارد او انه شي واجب بس
او حسب تعاملها هي انا اعاملها الاخ لازم يكون سمح ودود ملبي لطلبات خواته يسمع لهم ياخذ رايهم يتعمد اسعادهم ويبتعد عن احراجهم اي شي يبونه يقول تم سوق زيارات طلعات اي شي اذا اخوانهم ماقاموا بهم منهو اللي بيقوم ؟ |
|||||
|
|
|
|
12-23-2011, 03:38 AM
|
#4 | ||||
 
|
شتآن مآبين أحمد وخآلد  بس بعض البيوت فيهآ من الأثنين ذول 4+3 يضآيقني لمآ كل وآحد يصرفني على الثآني إلي مآمنهم فود  , كش بس وإلي دآيم كآرفينه كرف مآيقول شي حتى لو بعيييييد  ,,يّ زينه بس عندي أنآ يصير شيخهم كلهم وطلبآته أوآمر   .. يسسلمو يّ النشميه .. |
||||
|
|
|
|
12-23-2011, 06:35 PM
|
#5 | ||||||||||
|
عازفة
 
|
مآعندي شي أآآقوله لكن آآلله يحفظ لي إآآيآهم ومحب أآنكرهم كل وآحد فيهم يقّدر تعبي و آآلحمدلله ويطيعون ع قد آآلأستطآعه هذآ أآهم شي تشكرآآآتي لك ع هيك موضوع رآآآئع يآآلغآليه عسآنآمآننحرم من آآلمزيد جوديهـآ لاهنتي |
||||||||||
|
|
|
|
12-24-2011, 03:12 AM
|
#6 | ||||
|
انا اعامل اخواتي بالمعنى الصحيح كأنهم ربعي في استهبال مخلوط بااحترام اما تلبية اوامرهم مافي الا انا اعطيهم وجهه عندي اخوي الي اكبر مني بكم سنه كل يحولهم علي وانا مااردهم اما بالتسميات كلهم عندهم اسم واحد عندي يالهبله ويسموني الهبل بس فلله اهم سكر الحياه ياحبي لهم ..
التعديل الأخير تم بواسطة شبيـہِ آلريح .. ; 12-24-2011 الساعة 03:13 AM |
||||
|
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| غير مسجل كيف هي أختك الكبرى ؟ | أبو طلال | الـمــلـــتـــقــى الـــعـــام | 37 | 06-28-2016 12:41 AM |
| ليتك تموت | الجزراوي | أحآسيس جميلة وهمسـآت دآفئه | 6 | 09-18-2008 07:32 PM |
| رسائل الجوال | فارس الميدان | ♣ التقنية والكمبيوتر/ Technical and computer ~ | 1 | 03-30-2007 01:15 PM |
| احلى المسجات | سبيعي العيون | ♣ التقنية والكمبيوتر/ Technical and computer ~ | 5 | 06-18-2006 11:18 AM |
| كوكتيل عجيب من المسجات .. ادخل واختار .. | الخــــيالــــي | ♣ التقنية والكمبيوتر/ Technical and computer ~ | 1 | 12-09-2004 02:42 AM |
.png)
العرض العادي
