هذا المعلم

[الفضلي]

علمـني حـروف الهجا وانا صغيـر = علمني كيف اكتب ومنطوقي لهـا


عــلّـمـني القـــرآن آيــات البـصيــر = خـلاّني أقـراها واحـس احـساسها


عـلْـم الحــساب وكـل علمٍ فيـه خير = في كـل يــومٍ مـرتـبـه نـرقــا لــها


مـكـان ابـوي اللي حنـانه شي غيـر = نـــعْـــم المــربي والرســـاله جلّها


كمــّل رسالات الرسـل فيها خبـيـر = يــنــيــر من عــلْــمه أمـم وعيـالها


هو كوكب اللي من علومه مستنير = هُــو مــزنةٍ عــمَّــتْ وطاب خيالها


الفـكـر في وصـفـه بلا شـكٍ يحيـر = طيــر الجـــوارح عـــاليٍ منــزالها


عـلْـمـه كـما بنٍ وفي مجلس كبيـر = يـطـيــب صبَّــه مــن جـميل دلالها


قافي لفاني ماعلُيْ قافٍ عسير = يــنْــهال مثــل الغيــث حــلْو جــزالــها


أختم كلامي واذكر الله واستخير = واطْــلب جــنــانٍ منــيــتي بظــلالـها

شعر /عبداللطيف سعد أحمد العلي الفضلي
حررت يوم الخميس الموافق 3/6/1435هـ

[أبو طلال]

المعلم شي كبير لدى كل مجتمع
عمله مقّدر ومكانته مرفوعة وميزانه دايم رجيح

صح لسانك وبارك الله فيك

[الفضلي]

صح بدنك يالغالي

لك مني اجمل تحية

[عَبقْ]

*

صَح لسآنِك وسلم بنآنِك
لآخلآ ولآعدم .

[دمع!]

صح لسانك الفضلي

يعطيك العافيه

[الفضلي]

قالوا علامك



صح بدنك وكلك


الله لا يخلينا منك ويديم المحبه بين اعضاء المنتدى

لكي ودي وتقديري

[الفضلي]

دمع

الدمع يحكي توبة العبد لاتاب = ياعين خلي الدمع منّك همايل

مرحبا مليون وصح بدنك وكلك

لكي مني ودي وتقديري

[hams shoooooq]

طرح راقي ورائع وبارك الله فيك ياالفضلي

ماننحرم من جديدك المميز

امنياتي لك بدوام التألق والابداع

دمـت بحفظ الله ورعايته.,

[الفضلي]

صح بدنك

اسعدني مرورك