العفه والجمال

[سعود العواد]

العفه والجمال

مرت تخطا لعنبو زينها زين
روضه ربيع والشمس ترصد حلاها

مع الشروق ترسل جمال البساتين
ومع الضحى ترسم أبياتي غلاها

فكري يقول أنها حوريه من العين
ولا من يوسف من خلقها عطاها

ماشفت زين أبها الشكل في المزايين
غير ماسمعته في ترايب نساها

أن أقبلت تاخذ أقلوب المحبين
وأن أدبرت موت الهواوي أخطاها

لو ذا الحسن ينباع سقت المثامين
ولا جعلت الروح شارة نداها

أن جيت أوصف زينها ضعت في العين
وباقي الجسد معلوق قلبي حواها

كوكب جمال الكون يسرق له الزين
من خدها يأخذ نعايم سناها

ياويل حال سعود لو حمل الدين
مايلام من يرهن حياته فداها

هذا العشق ياصح وشخانة اللين
واللي بكفه ماعلا مارقاها

راحت وعادة عطرها ريح ياسمين
ياحسرتي أثر عليه حياها

الشاعر سعود بن احمد العواد

[حياة الروح]

ابداع ياشاعرنا قصيده جميله وروعه
الله يعطيك العافيه
وصح ألسانك

[شوووق]

ماشاء الله

كلمات رائعة

[سعود العواد]

الله يعطيكم العافيه ماقصرتو