الغدر

[سعود العواد]

الغدر

بالحشا والعين شيدت منازلك
مادريت أنك عمى القلب والعيني

كنت أظنك بالولاء طيب فالك
أثر ضحكاتك سلام الثعابيني

ماهقيت أن الغدر أعظم أعمالك
والكذب خلاك علك النساويني

شفت ممشايه وانا شفت غربالك
نيتي زينه عهد بينك وبيني

مادريت أنك علي شانت أحوالك
يوم ترفضني وترضي عدويني

رح واتوجه جفا ضيق بالك
ذا جزاء منهو تعامل بوجهيني

لوتجيني من بعد مارحمت حالك
بعت من خان العهد بالبلاشيني

لو قرابه مننا صاير خالك
الكرامه فوق كل المثاميني

أحمد الله يوم شين الكبر شالك
والغرور حطك بليا عناويني

لا ولا هميت لانت ولا امثالك
لا ولا أسمك ذكر في دواويني

لاتقول أني عليك ميت هالك
فيه من يسواك حبايب تسليني

رح بلا رجعه مع من تهيالك
وأنا لي الله وحب المسلميني

الشاعر/سعود بن احمد العواد